ಯಾರೀಕೆ ವೈರಲ್ 'ಕೃಷ್ಣ' ಸುಂದರಿ..!

•   Mon, Aug 26 2019 10:26:45 AM



• ಕೇರಳ, ಆ 26 (Daijiworld News/RD): ಅಷ್ಟಮಿ ಸಂಭ್ರಮವನ್ನು ನಾಡಿನಾದ್ಯಂತ ಅದ್ಧೂರಿಯಾಗಿ ಆಚರಿಸಿದರೆ, ಇನ್ನು ಸಾಮಾಜಿಕ ಜಾಲತಾಣದಲ್ಲೂ ಕೃಷ್ಣನ ಹವಾ ಜೋರಾಗಿಯೇ ನಡೆಯುತ್ತಿತ್ತು. ಕೃಷ್ಣನ ವೇಷ ಧರಿಸಿದ ಬಾಲಕಿಯೊಬ್ಬಳು ಮಡಕೆ ಒಡೆಯುತ್ತಿರುವ ದೃಶ್ಯ ಸಾಮಾಜಿಕ ತಾಣದಲ್ಲಿ ಭಾರೀ ವೈರಲ್​ ಆಗಿದ್ದು, ಮೊಬೈಲ್ ಸ್ಟೇಟಸ್ ನಲ್ಲಿ ಆಕೆಯ ವಿಡಿಯೋವನ್ನು ಹಾಕುವ ಮೂಲಕ ಹಲವರ ಕ್ರಶ್ ಆಗಿದ್ದಾಳೆ ಈ ವೈರಲ್ ಕೃಷ್ಣ.

  

  

  

  

  

  

  

  

  

  

  

  

  ಕೃಷ್ಣ ವೇಷ ಧರಿಸಿ, ಕೃಷ್ಣನ ರೀತಿಯಲ್ಲಿ ತುಂಟಾಟ ಮಾಡಿ ಮನಸ್ಸು ಗೆದ್ದ ಈ ಕೃಷ್ಣವೇಣಿಯ ಹೆಸರು ವೈಷ್ಣವಾ ಕೆ ಸುನಿಲ್. ಮೂಲತಃ ಕೇರಳದಾಕೆ. ಆಕೆಯ ಕೃಷ್ಣನ ವೇಷಕ್ಕೆ ಒಂದೆಡೆಯಾದರೆ ಮಾರುಹೋದರೆ, ಇನ್ನೊಂದೆಡೆ ಆಕೆಯ ಎಕ್ಸ್ ಪ್ರೆಶನ್ ಗೆ ಫಿದಾ ಅಗಿದ್ದಾರೆ.

  ಕೇರಳದ ಪ್ರಸಿದ್ಧ ಕೃಷ್ಣ ದೇವಾಲಯಗಳಲ್ಲಿ ಒಂದಾದ ಗುರುವಾಯುರು ದೇವಾಲಯದಲ್ಲಿ ಕೃಷ್ಣನ ಅಷ್ಠಮಿಯ ಕಾರ್ಯಕ್ರಮ ಭಾರೀ ವಿಜೃಂಭಣೆಯಿಂದ ನಡೆದಿತ್ತು. ಈ ಸಂದರ್ಭದಲ್ಲಿ ಪುಟ್ಟ ಕಂದಮ್ಮಗಳು ಸೇರಿದಂತೆ, ಮಕ್ಕಳು ಕೃಷ್ಣನ ವೇಷಧರಿಸಿ ವಿಶೇಷವಾಗಿ ಕೃಷ್ಣನ ಜನ್ಮ ದಿನವನ್ನು ಆಚರಣೆ ಮಾಡುತ್ತಿದ್ದಾರೆ. ಈ ವೇಳೆ ಕೃಷ್ಣ ವೇಷವನ್ನು ಧರಿಸಿದ ಬಾಲಕಿಯೊಬ್ಬಳ ನೃತ್ಯ ಮೊಬೈಲ್​ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ವೈರಲ್​ ಆಗಿದೆ. ಈ ವಿಡಿಯೋ ಕಳೆದ ವರ್ಷದಾಗಿದ್ದು, ಆದರೆ ಈ ವರ್ಷ ಎಲ್ಲೆಡೆ ಭಾರೀ ವೈರಲ್ ಆಗಿ ತುಂಬಾ ಆಕೆಗೆ ಜನ ಫ್ಯಾನ್ ಆಗಿದ್ದಾರೆ.

  ಈ ಬಗ್ಗೆ ಪ್ರತಿಕ್ರಿಯಿಸಿದ ವೈಷ್ಣವ ಕೆ. ಸುನೀಲ್, “ಗುರುವಾಯೂರು ದೇವಸ್ಥಾನದಲ್ಲಿ ಕೃಷ್ಣ ಜನ್ಮಾಷ್ಟಮಿ ಆಚರಿಸಿದ್ದ ವಿಡಿಯೋ ಇದು. ಇದು ಕಳೆದ ವರ್ಷದ ವಿಡಿಯೋ ಆಗಿದ್ದು, ಈಗ ವೈರಲ್ ಆಗುತ್ತದೆ ಎಂದುಕೊಂಡರಲಿಲ್ಲ. ನಾನು ಮೂರು ವರ್ಷದಿಂದ ಗುರುವಾಯೂರು ದೇವಸ್ಥಾನದಲ್ಲಿ ಡ್ಯಾನ್ಸ್ ಮಾಡುತ್ತಿದ್ದೇನೆ. ನಾನು ಗುರುವಾಯೂರು ನಿವಾಸಿಯಾಗಿದ್ದು, ಕೃಷ್ಣನ ಭಕ್ತೆ” ಎಂದು ತಿಳಿಸಿದ್ದಾರೆ.