ಮೈಸೂರು: ನಾನು ಅಯೋಗ್ಯನಂತೆ ಯಾರ ಮನೆಯಲ್ಲೂ ದುಡಿದಿಲ್ಲ-ವಿಶ್ವನಾಥ್

•   Sun, Sep 22 2019 09:16:04 PM



• ಮೈಸೂರು, ಸೆ 22 (DaijiworldNews/SM): ನಾನು ಜಮೀನುದಾರ ಕುಟುಂಬದಲ್ಲಿ ಹುಟ್ಟಿ ಬೆಳೆದವನು. ಅಯೋಗ್ಯನಂತೆ ಯಾರ ಮನೆಯಲ್ಲೂ ಕೂಲಿಯಾಳುವಾಗಿ ದುಡಿಯುವ ದುಃಸ್ಥಿತಿ ನನಗೆ ಬಂದಿಲ್ಲ ಎಂದು ಅನರ್ಹ ಜೆಡಿಎಸ್ ಶಾಸಕ ಹೆಚ್.ವಿಶ್ವನಾಥ್ ಹೇಳಿದ್ದಾರೆ.

  

  ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಮ್ಮದು ಶ್ರೀಮಂತ ಕುಟುಂಬ. ಯಾರ ಮನೆಯ ಎಂಜಲನ್ನೂ ತೊಳೆದಿಲ್ಲ ಎಂದು ಮಾಜಿ ಸಚಿವ ಜೆಡಿಎಸ್ ಶಾಸಕ ಸಾ.ರಾ.ಮಹೇಶ್ ವಿರುದ್ಧ ಗುಡುಗಿದ್ದಾರೆ. ಅಲ್ಲದೆ ಏಕವಚನದಲ್ಲಿ ಮಾತನಾಡಿರುವ ಅವರು ತಾಕತ್ತಿದ್ದರೆ, ನೇರಾನೇರ ಬಹಿರಂಗ ಚರ್ಚೆಗೆ ಬಾ ಎಂದು ಸಾ.ರಾ.ಮಹೇಶ್ ಗೆ ಸವಾಲು ಹಾಕಿದ್ದಾರೆ.

  ನಮ್ಮನ್ನು ಅನರ್ಹರು ಎಂದು ಮಾಧ್ಯಮಗಳು ಉಲ್ಲೇಖಿಸಬಾರದು. ಯಾವುದೇ ಶಾಸಕರು ತಮ್ಮನ್ನು ತಾವು ಹಣಕ್ಕಾಗಿ ಮಾರಿಕೊಂಡವರಲ್ಲ ಎಂದು ವಿಶ್ವನಾಥ್ ಪ್ರತಿಕ್ರಿಯೆ ನೀಡಿದ್ದಾರೆ.