ಪೆಟ್ರೋಲ್ ಬಂಕ್ ನಲ್ಲಿ ಅಗ್ನಿ ಅವಘಡ-ಧಗಧಗನೆ ಉರಿದ ಬಂಕ್

•   Tue, Oct 01 2019 10:23:48 PM



• ಪಾಟ್ನಾ, ಅ 01 (DaijiworldNews/SM): ಪೆಟ್ರೋಲ್​ ಬಂಕ್​ ನಲ್ಲಿ ಅಗ್ನಿ ಅವಘಡ ನಡೆದ ಘಟನೆ ಬಿಹಾರದ ಪಾಟ್ನಾದಲ್ಲಿ ನಡೆದಿದೆ. ಘಟನೆ ನಡೆದಾಕ್ಷಣ ಪೆಟ್ರೋಲ್ ಬಂಕ್ ಧಗಧಗನೆ ಉರಿದಿದ್ದು, ಬಂಕ್ ಸ್ಪೋಟಗೊಂಡಿದೆ.

  

  ಸಾವಿರಾರು ಲೀಟರ್​​ ಪೆಟ್ರೋಲ್​​-ಡಿಸೇಲ್​ ಬೆಂಕಿಗಾಹುತಿಯಾಗಿದೆ. ಕಳೆದ ಕೆಲ ದಿನಗಳಿಂದ ಬಿಹಾರದಲ್ಲಿ ನಿರಂತರವಾಗಿ ಮಳೆ ಸುರಿಯುತ್ತಿರುವ ಕಾರಣ ಇಲ್ಲಿನ ನಾಲಾ ರೋಡ್​​ನಲ್ಲಿರುವ ಪೆಟ್ರೋಲ್​ ಬಂಕ್ ಬಂದ್​​ ಆಗಿತ್ತು. ಆದರೆ ಇಂದು ಸಂಜೆ ಏಕಾಏಕಿಯಾಗಿ ಬೆಂಕಿ ಹೊತ್ತಿಕೊಂಡಿದೆ.

  ಘಟನೆ ನಡೆಯುತ್ತಿದ್ದಂತೆ ಅಕ್ಕಪಕ್ಕದ ಜನರು ಆಘಾತಕ್ಕೊಳಗಾದರು. ಘಟನಾ ಸ್ಥಳಕ್ಕೆ ಅಗ್ನಿಶಾಮಕ ದಳ ಸಿಬ್ಬಂದಿಗಳು ದೌಡಾಯಿಸಿ ಹರ ಸಾಹಸಪಟ್ಟು ಬೆಂಕಿ ನಂದಿಸಿದ್ದಾರೆ.