ತಲೆ ಮೇಲೆ ಕೋತಿ ಹತ್ತಿದ್ರೂ ಶಾಂತವಾಗಿಯೇ ಕರ್ತವ್ಯ ನಿರ್ವಹಿಸಿದ ಪೊಲೀಸ್​ ಇನ್​ಸ್ಪೆಕ್ಟರ್ - ವಿಡಿಯೋ ವೈರಲ್

•   Wed, Oct 09 2019 04:12:19 PM



• ಉತ್ತರಪ್ರದೇಶ, ಅ 09 (Daijiworld News/MSP): ಠಾಣೆಯಲ್ಲಿ ತಮ್ಮ ಕರ್ತವ್ಯದಲ್ಲಿ ನಿರತರಾಗಿದ್ದ ಉತ್ತರ ಪ್ರದೇಶದ ಪೊಲೀಸ್​ ಇನ್​ಸ್ಪೆಕ್ಟರ್​ ಒಬ್ಬರ ತಲೆ ಮೇಲೆ ಹತ್ತಿ ಕೋತಿಯೊಂದು ತಲೆಯಲ್ಲಿ ಕೈ ಆಡಿಸಿ ಹೇನಿಗಾಗಿ ಹುಡುಕಾಡಿದ ಪ್ರಸಂಗ ನಡೆದಿದ್ದು, ಈ ವಿಡಿಯೋ ವೈರಲ್ ಆಗಿದೆ.

  

  ಪಿಲಿಭಿತ್ ಪೊಲೀಸ್ ಠಾಣೆಗೆ ಧಿಡೀರ್ ಪ್ರವೇಶಿದ ಕೋತಿ ಮೊದಲು ಮಹಿಳಾ ಪೇದೆಯ ಕಾಲು ಹಿಡಿದಿದೆ. ಈ ವೇಳೆ ಪೇದೆ ಕಿರುಚಿಕೊಂಡಾಗ ಆಕೆಯ ಕಾಲಿಗೆ ಕಚ್ಚಿ ಅಲ್ಲೇ ಕರ್ತವ್ಯ ನಿರ್ವಹಿಸುತ್ತಿದ್ದ ಇನ್​ಸ್ಪೆಕ್ಟರ್ ಶ್ರೀಕಾಂತ್ ದ್ವಿವೇದಿ ಅವರ ಮೇಲೆ ಕುಳಿತಿದೆ. ಇವರು ಶಾಂತರಾಗಿ ತಮ್ಮ ಕರ್ತವ್ಯ ನಿರ್ವಹಿಸುತ್ತಾ, " ಕೆಳಗೆ ಇಳಿಯೋ , ನನಗೆ ಹೋಗಬೇಕು, ಕೇಳೋ ಅಣ್ಣ ಕೆಳಗೆ ಇಳಿ" ಎನ್ನುತ್ತಾ ಕೋತಿಯೊಂದಿಗೆ ಮಾತನಾಡುತ್ತಲೆ ತಮ್ಮ ಕರ್ತವ್ಯ ನಿರ್ವಹಿಸಿದ್ದಾರೆ.

  An unusual sight at Pilibhit police station in UP. 🐒
  
  A monkey sat on the shoulder of an inspector looking for lice in his hair while he continued with his official work.
  
  (Video credit: @upcoprahul) pic.twitter.com/7uwHeAb38Q

  — News18.com (@news18dotcom) October 9, 2019

  ಅತ್ತ ಕೋತಿಯೂ ಭುಜ ಮೇಲೆ ಕುಳಿತು ತಲೆಯಲ್ಲಿ ಹೇನು ಹುಡುಕಲಾರಂಭಿಸಿದೆ. ಆ ಬಳಿಕ ಹೇಗೋ ಬಾಳೇಹಣ್ಣು ನೀಡಿ ಕೋತಿಯನ್ನು ಭುಜದಿಂದ ಇಳಿಯುವಂತೆ ಮಾಡಲಾಗಿದೆಯಂತೆ.

  "ನಿಮಗೆ ಕೆಲಸದ ಸಮಯದಲ್ಲಿ ಒತ್ತಡ ಬೇಡವಾದರೆ, ರೀಥಾ, ಶೀಗೆಕೈ ಇನ್ನಿತ ಉತ್ತಮ ಶಾಂಪೂ ಬಳಸಿ " ಎಂಬ ಅಡಿಬರಹದೊಂದಿಗೆ, ಈ ವಿಡಿಯೋವನ್ನು ಪೊಲೀಸ್ ಉಪ ಆಯುಕ್ತ ರಾಹುಲ್​ ಶ್ರೀವಾತ್ಸವ್ ಟ್ವೀಟ್ ಮಾಡಿದ್ದಾರೆ. ವಿಡಿಯೋ ಅಪ್ಲೋಡ್ ಆಗುತ್ತಿದ್ದಂತೆಯೇ 16 ಸಾವಿರ ವ್ಯೂವ್ಸ್ ಬಂದಿದೆ. ಅಲ್ಲದೆ ಒಂದೂವರೆ ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿದ್ದು, 30ಕ್ಕೂ ಹೆಚ್ಚು ರಿಟ್ವೀಟ್ ಆಗಿದೆ.

  ಅದರಲ್ಲಿ ನೆಟ್ಟಿಗರೋರ್ವರು, ಮಂಗ ಬಹುಶಃ ಇನ್​ಸ್ಪೆಕ್ಟರ್​ ಅವರ ಒಳ್ಳೆಯ ಸ್ನೇಹಿತನಾಗಿರಬೇಕು ಎಂದು ಹೇಳಿದರೆ, ಮತ್ತೊರ್ವ ಮಂಗನಿಂದ ಉಚಿತ ಸೇವೆ ಎಂದು ಹಾಸ್ಯಭರಿತವಾಗಿ ಕಮೆಂಟ್ ಮಾಡಿದ್ದಾರೆ