ಚಾಮರಾಜನಗರ: ವಿಚಿತ್ರ ಕರುವಿಗೆ ಜನ್ಮ ನೀಡಿದ ಗೋವು-ಎರಡು ತಲೆ ನಾಲ್ಕು ಕಣ್ಣಿರುವ ಕರು ಜನನ

•   Mon, Oct 14 2019 09:31:59 PM



• ಚಾಮರಾಜನಗರ, ಅ 14 (DaijiworldNews/SM): ಪ್ರಕೃತಿಯಲ್ಲಿ ಹತ್ತಾರು ತರಹದ ವಿಸ್ಮಯಗಳನ್ನು ನಾವು ಕಂಡಿದ್ದೇವೆ. ಇಂತಹ ವಿಸ್ಮಯವೊಂದು ಚಾಮರಾಜಪೇಟೆಯಲ್ಲಿ ನಡೆದಿದೆ. ತಾಲೂಕಿನ ಗ್ರಾಮವೊಂದರಲ್ಲಿ ಹಸುವೊಂದು ವಿಶಿಷ್ಟವಾದ ಕರುವಿಗೆ ಜನ್ಮ ನೀಡಿದೆ.

  

  ಇಲ್ಲಿನ ಹಳ್ಳಿಕೆರೆಹುಂಡಿ ಗ್ರಾಮದ ರವಿ ಎಂಬುವವರ ಮನೆಯಲ್ಲಿ ಹಸುವೊಂದು ಎರಡು ತಲೆ, ನಾಲ್ಕು ಕಣ್ಣಿರುವ ವಿಚಿತ್ರ ಕರುವಿಗೆ ಜನ್ಮ ನೀಡಿದೆ.

  ರವಿ ಎಂಬವರು ಗೋವು ಸಾಕುತ್ತಿದ್ದು, ಅವರ ಸಾಕಿದ ಗೋವು ಈ ವಿಚಿತ್ರ ಕರುವಿಗೆ ಜನ್ಮ ನೀಡಿದೆ. ವಿಚಿತ್ರವಾಗಿ ಜನ್ಮ ಪಡೆದಿರುವ ಈ ಕರು ಆರೋಗ್ಯವಾಗಿದೆ. ಇನ್ನು ಈ ಅಚ್ಚರಿಯ ಸುದ್ದಿ ಕೇಳುತ್ತಿದ್ದಂತೆ ಗ್ರಾಮದ ಜನ ರವಿಯವರ ಮನೆಯತ್ತ ತೆರಳುತ್ತಿದ್ದು, ವಿಚಿತ್ರ ಕರುವಿನ ದರ್ಶನ ಪಡೆಯುತ್ತಿದ್ದಾರೆ.