ದೆಹಲಿಯಲ್ಲಿ ಉಗ್ರ ಸಂಘಟನೆಗಳಿಂದ ದಾಳಿಗೆ ಸಂಚು

•   Thu, Oct 24 2019 10:38:09 AM



• ನವದೆಹಲಿ, ಅ.24(Daijiworld News/SS): ಭಾರತದಲ್ಲಿ ಭೀಕರ ದಾಳಿ ನಡೆಸಲು ಮುಂಬೈ ದಾಳಿಯ ಮಾಸ್ಟರ್​ ಮೈಂಡ್​ ಹಫೀಜ್​ ಸಯೀದ್ ನೇತೃತ್ವದ ಉಗ್ರ ಸಂಘಟನೆಗಳು ಸಂಚು ರೂಪಿಸಿವೆ ಎಂದು ಗುಪ್ತಚರ ಇಲಾಖೆ ಮಾಹಿತಿ ನೀಡಿದೆ.

  

  ಪಾಕಿಸ್ತಾನ ಮೂಲದ ಜಮಾತ್ - ಉದ್- ದಾವಾ ಹಾಗೂ ಲಷ್ಕರ್​-ಇ- ತೊಯ್ಬಾ(ಎಲ್​ಇಟಿ) ಉಗ್ರ ಸಂಘಟನೆಗಳು ದೆಹಲಿಯಲ್ಲಿರುವ ಭಾರತೀಯ ಸೇನೆ ಮತ್ತು ರೀಸರ್ಚ್​ ಅಂಡ್​ ಅನಾಲಿಸಿಸ್​ ವಿಂಗ್​(ರಾ) ಕಚೇರಿಗಳ ಮೇಲೆ ದಾಳಿ ನಡೆಸಲು ಭಾರಿ ಸಂಚು ರೂಪಿಸಿದ್ದು, ರಾಷ್ಟ್ರ ರಾಜಧಾನಿಯಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ.

  ದೀಪಾವಳಿಯ ಸಮಯ ಅಂದರೆ ಅಕ್ಟೋಬರ್​ ತಿಂಗಳ ಅಂತ್ಯದಲ್ಲಿ ಭಾರತೀಯ ಸೇನಾ ಮತ್ತು ರಾ ಕಚೇರಿಗಳ ಮೇಲೆ ದಾಳಿ ನಡೆಸಲು ಜಮಾತ್ - ಉದ್- ದಾವಾ ಹಾಗೂ ಲಷ್ಕರ್​-ಇ- ತೊಯ್ಬಾ(ಎಲ್​ಇಟಿ) ಉಗ್ರ ಸಂಘಟನೆಗಳು ಸಂಚು ರೂಪಿಸಿವೆ. ಈ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದ್ದು, ಎಲ್ಲೆಡೆ ಕಟ್ಟೆಚ್ಚರ ವಹಿಸಲು ಸೂಚಿಸಲಾಗಿದೆ.