ಬೀದಿನಾಯಿ ಮೇಲೆ ಗುಂಡಿನ ದಾಳಿ - ವೃದ್ದ ಅರೆಸ್ಟ್

•   Mon, Nov 11 2019 03:40:07 PM



• ಬೆಂಗಳೂರು, ನ 11 (Daijiworld News/MSP): ಜಯನಗರದಲ್ಲಿ ಬೀದಿನಾಯಿ ಮೇಲೆ ಏರ್‌ಗನ್‌ನಿಂದ ಮೂರು ಸುತ್ತು ಗುಂಡು ಹಾರಿಸಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ, ಗಾಯಗೊಂಡಿರುವ ಬೀದಿನಾಯಿಯನ್ನು ಪಶು ವೈದ್ಯಕೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  

  ಮನೆ ಮುಂದೆ ಬೀದಿನಾಯಿಯ ನಿರಂತರ ಬೊಗಳುವಿಕೆ ಹಾಗೂ ಮನೆ ಮುಂದೆ ಗಲೀಜು ಮಾಡುತ್ತದೆ ಎಂದು ಕಿರಿಕಿರಿಗೊಂಡಿದ್ದ 85 ವರ್ಷ ವಯಸ್ಸಿನ ವೃದ್ಧ ಬೀದಿನಾಯಿಗೆ ಗುಂಡುಹಾರಿಸಿದ್ದ ಎಂದು ತಿಳಿದುಬಂದಿದೆ. ವೃದ್ದನನ್ನು ಬಂಧಿಸಿರುವ ಪೊಲೀಸರು ಮುಂದಿನ ತನಿಖೆ ಕೈಗೊಂಡಿದ್ದಾರೆ.

  ಗಾಯಗೊಂಡಿರುವ ನಾಯಿಯನ್ನು ಜಯನಗರ ಪಶು ಆಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ, ನಂತರ ಅದನ್ನು ಜೆ.ಪಿ. ನಗರದ ಜೀವ ಪೆಟ್ ಕ್ಲಿನಿಕ್ ಗೆ ಕೊಂಡೊಯ್ದು ಅಲ್ಲಿ ಪಶು ವೈದ್ಯರು ನಾಯಿಯ ದೇಹವನ್ನು ಸ್ಕ್ಯಾನ್ ಮಾಡಿ, ದೇಹದಲ್ಲಿದ್ದ 3 ಗುಂಡುಗಳನ್ನು ಹೊರತೆಗೆದಿದ್ದಾರೆ ಎಂದು ತಿಳಿದುಬಂದಿದೆ.

  ಗಾಯಗೊಂಡಿರುವ ನಾಯಿಯನ್ನು ನೋಡಲು ಜಯನಗರ ಶಾಸಕಿ ಸೌಮ್ಯರೆಡ್ಡಿ ಆಸ್ಪತ್ರೆ ಭೇಟಿ ನೀಡಿದ್ದಾರೆ. ನಾಯಿ ಮೇಲೆ ಗುಂಡು ಹಾರಿಸಿದವರ ಮೇಲೆ ಕ್ರಮ ಕೈಗೊಳ್ಳುವಂತೆ ಪೊಲೀಸರಿಗೆ ಸೂಚನೆ ನೀಡಿದ್ದಾರೆ ಎಂದು ತಿಳಿದುಬಂದಿದೆ.