ಹೈದರಾಬಾದ್ : ರೈಲುಗಳ ಮುಖಾಮುಖಿ ಡಿಕ್ಕಿ- ಕನಿಷ್ಠ 25 ಪ್ರಯಾಣಿಕರಿಗೆ ಗಾಯ

•   Mon, Nov 11 2019 03:49:00 PM



• ಹೈದರಾಬಾದ್, ನ 11 (Daijiworld News/MB): ರೈಲುಗಳು ಮುಖಾಮುಖಿ ಡಿಕ್ಕಿಯಾದ ಪರಿಣಾಮ ಕನಿಷ್ಠ 25 ಪ್ರಯಾಣಿಕರು ಗಾಯಗೊಂಡ ಘಟನೆ ತೆಲಂಗಾಣದ ಕಾಚಿಗೊಡಾದಲ್ಲಿ ಇಂದು ನಡೆದಿದೆ.

  

  ಹಳಿಯ ಮೇಲೆ ನಿಂತಿದ್ದ ಕೊಂಗು ಎಕ್ಸ್ ಪ್ರೆಸ್ ಗೆ ಪಾಲಾಕ್ನೂಮ್ ಕಡೆಗೆ ಹೋಗುತ್ತಿದ್ದ ಎಂಎಂಟಿಎಸ್ ರೈಲುಗಳ ಡಿಕ್ಕಿ ಹೊಡೆದಿದೆ.

  ಎರಡು ರೈಲುಗಳ ಪೈಕಿ ಒಂದು ರೈಲಿನ ಡ್ರೈವರ್ ಸಿಲುಕಿಹಾಕಿ ಕೊಂಡಿದ್ದು, ರಕ್ಷಣಾ ಕಾರ್ಯಚರಣೆ ನಡೆಯುತ್ತಿದೆ.

  ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಿದ್ದು ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ.

  ಈ ಅಪಘಾತ 4ನೇ ಪ್ಲಾಟ್ ಫಾರ್ಮ್ ನಲ್ಲಿ ತೆರಳಬೇಕಿದ್ದ ಎಂಎಂಟಿಎಸ್ ರೈಲಿಗೆ 2ನೇ ಪ್ಲಾಟ್ ಫಾರ್ಮ್ ನಲ್ಲಿ ಹಸಿರು ಸಿಗ್ನಲ್ ಸಿಕ್ಕ ಪರಿಣಾಮದಿಂದಾಗಿ ಸಂಭವಿಸಿದೆ. ಈ ಮಾರ್ಗದಲ್ಲಿ ಚಲಿಸುವ ಎಲ್ಲಾ ರೈಲುಗಳನ್ನು ರದ್ದು ಮಾಡಲಾಗಿದೆ ಎಂದು ರೈಲ್ವೆ ಅಧಿಕಾರಿಯೋರ್ವರು ತಿಳಿಸಿದ್ದಾರೆ.