'ಜೆಡಿಎಸ್‌ನವರು ಕೋತಿಯಂತೆ, ಇದ್ದಲ್ಲಿ ಇರಲ್ಲ' - ಮಾಜಿ ಡಿಸಿಎಂ ಪರಮೇಶ್ವರ್

•   Tue, Nov 26 2019 10:27:23 AM



• ಮೈಸೂರು , ನ 26 (Daijiworld News/MB) : ಮಾಜಿ ಉಪಮುಖ್ಯಮಂತ್ರಿ ಪರಮೇಶ್ವರ್, "ಜೆಡಿಎಸ್‍ ಪಕ್ಷದವರು ಕೋತಿಯಿದ್ದಂತೆ" ಎಂದು ಹೇಳಿದ್ದಾರೆ.

  

  ಉಪಚುನಾವಣೆ ನಡೆಯಲಿರುವ ಹಿನ್ನಲೆಯಲ್ಲಿ ಹುಣಸೂರಿನ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ ಮಾಡುತ್ತಿರುವ ಸಂದರ್ಭದಲ್ಲಿ , "ಜೆಡಿಎಸ್‍ ಪಕ್ಷದವರು ಕೋತಿಯಿದ್ದಂತೆ. ಇದ್ದ ಕಡೆ ಇರುವುದಿಲ್ಲ. ಕೋತಿಯು ಮರದಿಂದ ಮರಕ್ಕೆ ಹಾರುವ ರೀತಿಯಲ್ಲೇ ಅವರು ಹಾರುತ್ತಾ ಇರುತ್ತಾರೆ. ನಮ್ಮೂರಿನ ಕಡೆ ಇದು ಮಾಮೂಲಿ. ಜೆಡಿಎಸ್‍ನ ಕತೆಯು ಅದೇ ಆಗಿದೆ. ಇವರು ಬೆಳಿಗ್ಗೆ ಒಂದು ಮಾತು ಹೇಳಿದರೆ ಸಂಜೆ ಇನ್ನೊಂದು ಮಾತು ಹೇಳುತ್ತಾರೆ. ಇಂತಹ ಜೆಡಿಎಸ್‌ ನವರನ್ನು ಕಟ್ಟಿಕೊಂಡು ನಾವು ಎಲ್ಲಿಗೆ ಹೋಗಿ ಸಾಯೋದು" ಎಂದು ವ್ಯಂಗ್ಯ ಮಾಡಿ ಮಾತನಾಡಿದ್ದಾರೆ.

  "ಅವರಲ್ಲಿ ನಮ್ಮ ಜೊತೆ ಇರಿ ನಾವು ಚೆನ್ನಾಗಿ ನೋಡಿಕೊಳ್ಳುತ್ತೇವೆ ಎಂದು ಹೇಳಿದರು ಇರಲ್ಲ. ಅವರ ಜೊತೆಯಾದರೂ ಇರಿ ಅವರು ಚೆನ್ನಾಗಿ ನೋಡಿಕೊಳ್ಳುತ್ತಾರೆ ಎಂದು ಹೇಳಿದರು ಕೇಳುವುದಿಲ್ಲ. ಇಂತವರಿಗೆ ಈ ಚುನಾವಣೆಯಲ್ಲಿ ಜನರು ತಕ್ಕ ಪಾಠ ಕಲಿಸಬೇಕು. ನೀವು ಬಿಜೆಪಿಯ ಜೊತೆ ಕಾಂಗ್ರೆಸ್‌ನ್ನು ಕೂಡಾ ತಿರಸ್ಕಾರ ಮಾಡಿ" ಎಂದು ಪರಮೇಶ್ವರ್ ಹೇಳಿದ್ದಾರೆ.

  ಈ ಸಂದರ್ಭದಲ್ಲಿ "ರಾಜ್ಯದಲ್ಲಿ ಮತ್ತೆ ಕಾಂಗ್ರೆಸ್ ಸರ್ಕಾರವೇ ಅಧಿಕಾರಕ್ಕೆ ಬರುತ್ತದೆ. ನಾನು ಇದನ್ನು ನಿಮಗೆ ಬರೆದು ಕೊಡಬಲ್ಲೆ" ಎಂದು ವಿಶ್ವಾಸ ಪಟ್ಟಿದ್ದಾರೆ.