ಟಿಕ್‌ಟಾಕ್‌ನಲ್ಲೂ ಸದ್ದು ಮಾಡಿದೆ "ಹೌದು ಹುಲಿಯಾ"

•   Sun, Dec 08 2019 01:10:48 PM



• ಬೆಂಗಳೂರು, ಡಿ 08 (Daijiworld News/MB) : ಮಾಜಿ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರು ಪ್ರಚಾರ ಸಭೆಯಲ್ಲಿ ಮಾತನಾಡುತ್ತಾ ಇದ್ದಾಗ ವೇದಿಕೆ ಮುಂಭಾಗದಲ್ಲಿದ್ದ ವ್ಯಕ್ತಿ "ಹೌದು ಹುಲಿಯಾ" ಎಂದು ಕೂಗಿದ ವಿಡಿಯೋ ವೈರಲ್‌ ಆಗಿದ್ದು ಈಗ ಟಿಕ್‌ಟಾಕ್‌ನಲ್ಲೂ ಕಂಡು ಬಂದಿದೆ.

  

  ಕಳೆದ ಲೋಕಸಭಾ ಚುನಾವಣೆಯ ಸಂದರ್ಭದಲ್ಲಿ 'ನಿಖಿಲ್... ಎಲ್ಲಿದೀಯಪ್ಪ' ಎಂಬ ಡೈಲಾಗ್ ವೈರಲ್‌ ಆಗಿತ್ತು. ಈಗ "ಹೌದು ಹುಲಿಯಾ" ವಿಡಿಯೋ ವೈರಲ್‌ ಆಗುತ್ತಿದೆ.

  ಉಪಚುನಾವಣೆ ಹಿನ್ನಲೆಯಲ್ಲಿ ಇತ್ತೀಚೆಗಷ್ಟೇ ಕಾಗವಾಡ ವಿಧಾನಸಬಾ ಕ್ಷೇತ್ರಕ್ಕೆ ಆಗಮಿಸಿದ್ದ ಮಾಜಿ ಸಿಎಂ ಸಿದ್ದರಾಮಯ್ಯ ಪ್ರಚಾರ ಸಭೆಯಲ್ಲಿ ಮಾತನಾಡುತ್ತಾ, ಬಿಜೆಪಿ ವಿರುದ್ಧ ಮಾತಾನಾಡುತ್ತ ಇಂದಿರಾ ಗಾಂಧಿಯವರು ಈ ದೇಶಕ್ಕಾಗಿ ಪ್ರಾಣ ಕೊಟ್ಟಿದ್ದಾರೆ ಎಂದಾಗ ವೇದಿಕೆ ಮುಂಭಾಗ ಕುಳಿತಿದ್ದ ವ್ಯಕ್ತಿಯೊಬ್ಬರು "ಹೌದು ಹುಲಿಯಾ" ಎಂದು ಜೋರಾಗಿ ಕೂಗಿದರು.

  ಇದರಿಂದ ಕೋಪಗೊಂಡ ಸಿದ್ದರಾಮಯ್ಯ ಅವರು, "ಯಾರೋ ಅದು? ಇನ್ನೊಂದು ಸಲ ಹಾಗೆ ಕೂಗಿದ್ರೆ ಹೊರಗೆ ಹಾಕ್ತೇನೆ. ಬೆಳ್ಳಿಗೇನೇ ಕುಡಿದುಕೊಮಡು ಬಂದಿದ್ದೀಯಾ? ಎಂದು ಹೇಳಿದ್ದರು.