ಮಹಿಳಾ ಕಂಡಕ್ಟರ್‌ ಮೇಲೆ ಆಸಿಡ್‌ ದಾಳಿ

•   Thu, Dec 19 2019 03:08:48 PM



• ಬೆಂಗಳೂರು, ಡಿ 19 (Daijiworld News/MB) : ಮಹಿಳಾ ಕಂಡಕ್ಟರ್‌ ಮೇಲೆ ಅಪರಿಚಿತರು ಆಸಿಡ್‌ ದಾಳಿ ನಡೆಸಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

  

  ಬಿಎಂಟಿಸಿ ಕಂಡಕ್ಟರ್‌ ಇಂದಿರಾ ಬಾಯಿ (35) ಗುರುವಾರ ಮುಂಜಾನೆ 5.45ರ ಸುಮಾರಿಗೆ ಕೆಲಸಕ್ಕೆ ಮನೆಯಿಂದ ಹೊರಟ್ಟಿದ್ದು ಸ್ವಲ್ಪ ದೂರ ಸಾಗುವಾಗ ಬೈಕ್‌ನಲ್ಲಿ ಬಂದ ಅಪರಿಚಿತ ವ್ಯಕ್ತಿಗಳು ಆಕೆಯ ಮೇಲೆ ಆಸಿಡ್‌ ದಾಳಿ ಮಾಡಿದ್ದಾರೆ.

  ಇದರಿಂದಾಗಿ ಇಂದಿರಾ ಅವರ ಮುಖದ ಬಲಭಾಗ, ಬಲಗೈಗೆ ಸುಟ್ಟ ಗಾಯಗಳಾಗಿದ್ದು ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಿ ಚಿಕಿತ್ಸೆ ನೀಡಲಾಗುತ್ತಿದೆ.

  ಇಂದಿರಾ ಬಾಯಿ ತುಮಕೂರಿನ ಶಿರಾ ಮೂಲದವರಾಗಿದ್ದು 6 ತಿಂಗಳ ಹಿಂದೆಯೂ ಇವರ ಮೇಲೆ ಆಸಿಡ್‌ ದಾಳಿ ಮಾಡಲಾಗಿತ್ತು. ಆಸಿಡ್‌ ದಾಳಿಗೆ ಕಾರಣ ಏನು ಎಂದು ತಿಳಿದು ಬಂದಿಲ್ಲ.

  ಈ ಕುರಿತು ಬಾಲಗಕುಂಟೆ ಪೊಲೀಸರು ಪ್ರಕರಣ ದಾಖಲು ಮಾಡಿದ್ದು ತನಿಖೆ ನಡೆಸುತ್ತಿದ್ದಾರೆ.