ಕೇರಳದಲ್ಲಿ ಯಡಿಯೂರಪ್ಪರಿಗೆ ಪ್ರತಿಭಟನೆಯ ಬಿಸಿ - ಪ್ರವಾಸ ಮೊಟಕು

•   Tue, Dec 24 2019 01:04:13 PM



• ತಿರುವನಂತಪುರಂ, ಡಿ 24 (Daijiworld News/MB) : ಕರ್ನಾಟಕ ಮುಖ್ಯಮಂತ್ರಿ ಬಿ.ಎಸ್‌.ಯುಡಿಯೂರಪ್ಪ ಅವರಿಗೆ ಕೇರಳ ವಿದ್ಯಾರ್ಥಿಗಳ ಸಂಘ (ಕೆಎಸ್‌ಯು) ಕಪ್ಪು ಬಾವುಟ ಪ್ರದರ್ಶನ ಮಾಡಿ ಪ್ರತಿಭಟನೆ ನಡೆಸಿದ್ದಾರೆ.

  

  ಡಿ.26 ರಂದು ಕಂಕಣ ಸೂರ್ಯ ಗ್ರಹಣದ ಹಿನ್ನಲೆಯಲ್ಲಿ ಸಿಎಂ ಕೇರಳದ ನಾನಾ ದೇವಾಲಯಗಳಿಗೆ 2 ದಿನ ಭೇಟಿ ನೀಡುವ ಸಲುವಾಗಿ ಸೋಮವಾರ ಕೇರಳಕ್ಕೆ ತೆರಳಿದ್ದು ಈ ಸಂದರ್ಭದಲ್ಲಿ ಕೇರಳ ವಿದ್ಯಾರ್ಥಿಗಳ ಸಂಘದವರು ಮಂಗಳೂರಿನಲ್ಲಿ ಪ್ರತಿಭಟನಕಾರರ ಮೇಲೆ ಗೋಲಿಬಾರ್‌ ನಡೆಸಿದ ಹಾಗೂ ಕೇರಳದ ಪತ್ರಕರ್ತರೊಂದಿಗೆ ಕಾನೂನು ಬಾಹಿರವಾಗಿ ವರ್ತನೆ ಮಾಡಿದ ಹಿನ್ನಲೆಯಲ್ಲಿ ಕಪ್ಪು ಬಾವುಟ ತೋರಿಸಿ ಪ್ರತಿಭಟನೆ ನಡೆಸಿದ್ದಾರೆ.

  ಈ ಘಟನೆಗೆ ಸಂಬಂಧಿಸಿ 25 ಜನ ಪ್ರತಿಭಟನಕಾರರನ್ನು ಪೊಲೀಸರು ಬಂಧಿಸಿದ್ದಾರೆ. ಪ್ರತಿಭಟನೆ ನಡೆಸಿದ ಹಿನ್ನಲೆಯಲ್ಲಿ ನಾಳೆ ಮಂಗಳೂರಿಗೆ ಬರಬೇಕಾಗಿದ್ದ ಮುಖ್ಯಮಂತ್ರಿ ಇಂದೇ ಮಂಗಳೂರಿಗೆ ಬಂದಿದ್ದು ಸೆರ್ಕ್ಯೂಟ್‌ ಹೌಸ್‌ನಲ್ಲಿ ಉಳಿದಿದ್ದಾರೆ.