'ಕೂಲೆಸ್ಟ್ ಪ್ರಧಾನಿ ಎಂದ್ರೆ ನರೇಂದ್ರ ಮೋದಿ' - ಕಾಂಗ್ರೆಸ್

•   Fri, Dec 27 2019 11:06:44 AM



• ನವದೆಹಲಿ,ಡಿ 27 (Daijiworld News/MSP): ನಿನ್ನೆಯವರೆಗೆ ಪ್ರಧಾನಿ ನರೇಂದ್ರ ಮೋದಿ ಅವರ ವಿರುದ್ದ ಹರಿಹಾಯುತ್ತಿದ್ದ ಕಾಂಗ್ರೆಸ್ ಇಂದು ನರೇಂದ್ರ ಮೋದಿ ಕೂಲೆಸ್ಟ್ ಪ್ರಧಾನಿ ಎಂದು ಹೇಳಿದೆ. ಅರೆ ಒಂದು ನಿಮಿಷ.! ಪ್ರಧಾನಿಯನ್ನು ಕಾಂಗ್ರೆಸ್ ಹೊಗಳಿದೆ ಅಂದುಕೊಳ್ಳಬೇಡಿ - ಕೂಲೆಸ್ಟ್ ಪ್ರಧಾನಿ ಎಂದು ಹೇಳಿ ಮೋದಿಯ ಕಾಲೆಳೆದಿದೆಯಷ್ಟೇ.

  

  ಪೌರತ್ವ ತಿದ್ದುಪಡಿ ಕಾಯ್ದೆ ವಿರೋಧಿಸಿ ದೇಶಾದ್ಯಂತ ಪ್ರತಿಭಟನೆಗಳು ಭುಗಿಲೆದ್ದು ಅಶಾಂತಿ ಗಲಭೆ ಸೃಷ್ಟಿಯಾಗಿರುವ ಸಮಯದಲ್ಲಿ ಇದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳದೆ ಪ್ರಶಾಂತವಾಗಿ ಸೂರ್ಯಗ್ರಹಣ ವೀಕ್ಷಿಸುತ್ತಿರುವ ಪ್ರಧಾನಿ ಮೋದಿ ಅವರನ್ನು ಪ್ರತಿಪಕ್ಷ ಕಾಂಗ್ರೆಸ್ ಈ ರೀತಿಯಾಗಿ ಟೀಕಿಸಿದೆ.

  ಕಾಂಗ್ರೆಸ್ ಪಕ್ಷ ಗುರುವಾರ ಮಾಡಿರುವ ಟ್ವೀಟ್‌ನಲ್ಲಿ ಮೋದಿ ಸೂರ್ಯಗ್ರಹಣ ವೀಕ್ಷಿಸುತ್ತಿರುವ ಪೋಟೋ ಜತೆಗೆ ವ್ಯಂಗ್ಯವಾಡಿ “ನರೇಂದ್ರ ಮೋದಿ ನಿಜವಾಗಿಯೂ ಬಹಳ ಬ್ಯುಸಿಯಾಗಿರುವ ಪ್ರಧಾನಿಯಾಗಿದ್ದಾರೆ” ಎಂದು ಹೇಳಿದೆ. ಮೋದಿ ತುಂಬಾ ಬ್ಯುಸಿಯಾಗಿದ್ದಾರೆ, ದೇಶ ಹತ್ತಿ ಉರಿಯುತ್ತಿದ್ದರೂ, ಪ್ರಶಾಂತವಾಗಿ ಸೂರ್ಯ ಗ್ರಹಣ ವೀಕ್ಷಿಸುತ್ತಿದ್ದಾರೆ ಎಂದು ಟೀಕಿಸಿದೆ."

  Truly the Coolest PM. #JhootJhootJhoot pic.twitter.com/Im8TeIj6lN

  — Congress (@INCIndia) December 26, 2019