ಕಾನ್‍ಸ್ಟೇಬಲ್‌ನ ಕಾರು ಕಳವು ಮಾಡಿದ ಎಸ್‌ಐ ಬಂಧನ

•   Wed, Jan 01 2020 04:29:29 PM



• ಮೊರಾದಾಬಾದ್, ಜ 01 (Daijiworld News/MB) : ಸಬ್ ಇನ್‍ಸ್ಪೆಕ್ಟರ್‌ನ್ನು ಕಾನ್‍ಸ್ಟೇಬಲ್ ಗೆ ಸೇರಿದ ಕಾರನ್ನು ಕಳವು ಮಾಡಿದ ಆರೋಪದಲ್ಲಿ ಬಂಧಿಸಲಾಗಿದೆ.

  

  ಈ ಹಿಂದೆ ಆರೋಪಿ ಸಚಿನ್ ದಯಾಳ್ ತನ್ನ ಹಿರಿಯ ಅಧಿಕಾರಿಗಳೊಂದಿಗೆ ವಾಗ್ವಾದ ನಡೆಸಿದ ಹಿನ್ನಲೆಯಲ್ಲಿ ಕರ್ತವ್ಯದಿಂದ ವಜಾ ಮಾಡಲಾಗಿದ್ದು ಈಗ ಕಳವು ಮಾಡಿದ ಕಾರಿನಲ್ಲಿ ಆತ ಪ್ರಯಾಣ ಮಾಡುತ್ತಿದ್ದ ಸಂದರ್ಭದಲ್ಲಿ ಪೊಲೀಸರು ಬಂಧಿಸಿದ್ದಾರೆ.

  ಕಳವು ಮಾಡಿದ ಕಾರಿನಲ್ಲಿ ಪ್ರಯಾಣ ಮಾಡುತ್ತಿದ್ದ ಆತನನ್ನು ಪೊಲೀಸರು ತಡೆದು ನಿಲ್ಲಿಸಿದ್ದಾರೆ. ಆ ಸಂದರ್ಭದಲ್ಲಿ ಆತ ಪೊಲೀಸರಿಂದ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದು ಆತನ ಪ್ರಯಾಣ ಮಾಡುತ್ತಿದ್ದ ಕಾರಿಗೆ ಅಪಘಾತವಾಗಿದೆ. ಆ ಬಳಿಕ ಆತನನ್ನು ಬಂಧಿಸಿ ಪ್ರಕರಣ ದಾಖಲು ಮಾಡಲಾಗಿದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

  ಆರೋಪಿ ಎಸ್‌ಐ, "ನಾನು ಖಿನ್ನತೆಗೆ ಒಳಗಾಗಿದ್ದು ಗೊಂದಲದಲ್ಲಿದ್ದೇನೆ. ಸಾಮಾನ್ಯವಾಗಿ ಖಿನ್ನತೆ ಇರುವ ಜನರು ಈ ರೀತಿ ಮಾಡುತ್ತಾರೆ" ಎಂದು ಹೇಳುತ್ತಿದ್ದಾರೆ.