ಬೆಂಗಳೂರು, ನ.09 (DaijiworldNews/AK): 6 ಕಡೆ ಕಂಪನಿಗಳೇ ಹೆಚ್ಚುವರಿ ಎಥೆನಾಲ್ ಮಿಶ್ರಣ ಮಾಡುತ್ತಿದ್ದು, ಎಥೆನಾಲ್ ಮಿಶ್ರಣ ಆಟೋ ಮ್ಯಾಟಿಕ್ ಎಂದು ಹೇಳುತ್ತಾರೆ. ಹೆಚ್ಚುವರಿ ಮಿಶ್ರಣ ಡೀಲರ್ಸ್ ಕೆಲಸ ಅಂತಿದ್ದಾರೆ. ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಹೇಳಿದ್ದೆ ಸತ್ಯ ಎನ್ನುವಂತಾಗಿದೆ. ಬೇರೆಯವರು ಸತ್ಯ ಹೇಳಿದ್ರೆ ಒತ್ತಡ ಹೇರುತ್ತಾರೆ ಎಂದು ಸಚಿವ ರಿಜ್ವಾನ್ ಅರ್ಷದ್ ಆರೋಪಿಸಿದ್ದಾರೆ.

ಪೆಟ್ರೋಲ್ಗೆ ಶೇ.30ಕ್ಕೂ ಹೆಚ್ಚು ಎಥೆನಾಲ್ ಮಿಶ್ರಣ ಆರೋಪ ಸಂಬಂಧ ವಿಕಾಸಸೌಧದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.
ಕಳೆದ ಶುಕ್ರವಾರ ಕಾನೂನು ಮಾಪನಶಾಸ್ತ್ರ ಇಲಾಖೆಯಿಂದ ಎಥೆನಾಲ್ ಪ್ರಮಾಣ ಬಗ್ಗೆ ಚೆಕ್ ಮಾಡಿಸಿದ್ದೆವು. ರಾಷ್ಟ್ರವ್ಯಾಪಿ ಈ ವಿಚಾರ ಚರ್ಚೆಗೆ ಬಂದಿದೆ. ಶೇ.30ಕ್ಕೂ ಹೆಚ್ಚು ಎಥೆನಾಲ್ ಮಿಶ್ರಣದಿಂದ ದಿನನಿತ್ಯ ಪೆಟ್ರೋಲ್ ಬಳಕೆ ಮಾಡುವ ವರ್ಗಕ್ಕೆ ಎಫೆಕ್ಟ್ ಆಗುತ್ತಿದೆ. ರಾಜ್ಯ ಸರ್ಕಾರದ ವರದಿಯನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಕೋಟ್ಯಂತರ ಜನ ಭಾವನೆ ವ್ಯಕ್ತಪಡಿಸಿದ್ದಾರೆ.
ರಾಜ್ಯ ಸರ್ಕಾರದ ವರದಿಯನ್ನು ದೇಶದ ಜನ ಶ್ಲಾಘಿಸಿದ್ದಾರೆ. ಕೇಂದ್ರ ಸರ್ಕಾರ ನಮ್ಮ ಮಾಹಿತಿಗೆ ಉತ್ತರ ಕೊಡಬೇಕಿತ್ತು. ಕೇಂದ್ರ ಸರ್ಕಾರ ತೈಲ ಮಾರಾಟ ಕಂಪನಿಗಳಿಂದ ಉತ್ತರ ಕೊಡಿಸಿದೆ. ನಾವು ನಮ್ಮ ವರದಿ ಬಗ್ಗೆ ಗಟ್ಟಿಯಾಗಿ ನಿಂತಿದ್ದೇವೆ, ವರದಿ ಸರಿ ಇದೆ. ತೈಲ ಕಂಪನಿಗಳು ತಾಂತ್ರಿಕವಾಗಿ ಉತ್ತರಿಸಿವೆ, ನೇರ ಉತ್ತರ ಕೊಟ್ಟಿಲ್ಲ. ಎಷ್ಟು ಪ್ರಮಾಣದಲ್ಲಿ ಎಥೆನಾಲ್ ಮಿಶ್ರಣ ಆಗುತ್ತಿದೆ ಎಂದು ಕೇಳಲಾಗಿತ್ತು. ಅದಕ್ಕೆ ತೈಲ ಕಂಪನಿಗಳಿಂದ ನೇರ ಉತ್ತರ ಬಂದಿಲ್ಲ ಎಂದವರು ಹೇಳಿದ್ದಾರೆ.
ಎಥೆನಾಲ್ನಲ್ಲಿ ಕ್ಲೋರೈಡ್, ಸಲ್ಫರ್ ಜಾಸ್ತಿ ಇದೆ, ಇಂಜಿನ್ ಹಾಳಾಗ್ತಿದೆ. 30% ಎಥೆನಾಲ್ ಮಿಕ್ಸ್ ಮಾಡಿದ್ರೆ ಸಮಸ್ಯೆ ಇದೆ ಎಂದು BMW ಹೇಳಿದೆ. ನಿಮ್ಮ ಸ್ಯಾಂಪಲ್ಸ್ ಸರಿಯಿಲ್ಲ ಎಂದು ತೈಲ ಮಾರಾಟ ಕಂಪನಿ ಹೇಳಿದೆ. ರಾಜ್ಯ ಸರ್ಕಾರ ಸ್ಯಾಂಪಲ್ ಸಂಗ್ರಹಿಸಿ ಎನ್ಎಬಿಎಲ್ನಲ್ಲಿ ಪರೀಕ್ಷಿಸಿದ ವಿಧಾನವೂ ಸರಿಯಿಲ್ಲ ಅಂತಾರೆ. ಖಾಸಗಿ ಪ್ರಯೋಗಾಲಯದಲ್ಲಿ ಪರೀಕ್ಷೆ ನಡೆಸಿದೆ ಎಂದು ಹೇಳುತ್ತಾರೆ. ಭಾರತೀಯ ಮಾಪನ ಸಂಸ್ಥೆ ಪರೀಕ್ಷಿಸಿದ ವಿಧಾನ ಸರಿಯಿಲ್ಲ ಅಂದ್ರೇಗೆ? ಎಥೆನಾಲ್ ಪ್ರಮಾಣ ಕಂಡು ಹಿಡಿಯುವುದೇನು ರಾಕೆಟ್ ಸೈನ್ಸಾ? ಇಲ್ಲಿ ಆರೋಪಿಗಳೂ, ನ್ಯಾಯಾಧೀಶರೂ ಅವರೇ ಎಂದು ಸಚಿವರು ವಾಗ್ದಾಳಿ ನಡೆಸಿದ್ದಾರೆ.