ಬೆಂಗಳೂರಿನಲ್ಲಿ ಭೀಕರ ಅಪಘಾತ - ಮಂಜೇಶ್ವರ ಮೂಲದ ಮೂವರ ದಾರುಣ ಸಾವು - 6 ಜನ ಗಂಭೀರ

•   Thu, Jan 09 2020 09:22:34 AM



• ಬೆಂಗಳೂರು, ಜ 9 (Daijiworld News/MB) : ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಗುಡೇಮಾರನಹಳ್ಳಿ ಬಳಿ‌ ಭೀಕರ ಅಪಘಾತ ಸಂಭವಿಸಿದ್ದು ಮಂಜೇಶ್ವರ ಬೆಜ್ಜದ ನಿವಾಸಿಗಳಾದ ಮೂವರು ಮೃತಪಟ್ಟಿದ್ದಾರೆ.  ಆರು ಜನರು ಗಂಭೀರವಾಗಿದ್ದಾರೆ. 

  

  

  

  ಮೃತರನ್ನು ದುರ್ಗಾ ಬಸ್‌ ಚಾಲಕ ಕಿಶನ್‌ ಬೆಜ್ಜ, ಮಂಜೇಶ್ವರ ಚರ್ಚ್ ಬಳಿ ನಿವಾಸಿಯಾದ ಅಕ್ಷಯ್‌, ಅಂಗಡಿಪದವು ನಿವಾಸಿ ಮೋನಪ್ಪ ಮೇಸ್ತ್ರಿ ಎಂದು ಗುರುತಿಸಲಾಗಿದೆ.   

  ತಿರುಪತಿ ತಿಮ್ಮಪ್ಪನ ದರ್ಶನ ಪಡೆದು ಹಿಂತಿರುಗುತ್ತಿದ್ದ ವೇಳೆ ಈ ಅಪಘಾತ ಸಂಭವಿಸಿದೆ. ಹೆದ್ದಾರಿಯ ಮೇಲ್ಸೆತುವೆ ಕಂಬಕ್ಕೆ ಕಾರು ಡಿಕ್ಕಿಯಾಗಿದೆ. ಗಾಯಗೊಂಡವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

  ಚಾಲಕನು ನಿದ್ದೆಯ ಮಂಪರಿನಲ್ಲಿದ್ದ ಕಾರಣ ಈ ಅಪಘಾತ ಸಂಭವಿಸಿದೆ ಎಂದು ಹೇಳಲಾಗಿದೆ.