ಜೆಎನ್‌ಯು ಮುಸುಕುಧಾರಿ ಯುವತಿಯ ಗುರುತು ಪತ್ತೆ - ಪೊಲೀಸರಿಂದ ನೋಟೀಸ್

•   Mon, Jan 13 2020 11:13:34 AM



• ನವದೆಹಲಿ, ಜ 13 (Daijiworld News/MSP): ಜನವರಿ 5 ರಂದು ದೆಹಲಿಯ ಜವಹರ್ ಲಾಲ್ ವಿವಿಯ ಕ್ಯಾಂಪಸ್‌ನಲ್ಲಿ ನಡೆದ ಹಿಂಸಾಚಾರದ ವೈರಲ್ ವಿಡಿಯೋವೊಂದರಲ್ಲಿ ಕಾಣಿಸಿಕೊಂಡ ಮುಸುಕುಧಾರಿ ಯುವತಿಯನ್ನು ಗುರುತಿಸಲಾಗಿದೆ ಎಂದು ದೆಹಲಿ ಪೊಲೀಸರ ವಿಶೇಷ ತನಿಖಾ ತಂಡ ತಿಳಿಸಿದೆ.

  

  ಹಿಂಸಾಚಾರಕ್ಕೆ ಸಂಬಂಧಿಸಿದ ಪೋಟೋಗಳಲ್ಲಿ ಚೆಕ್ಸ್​ ಶರ್ಟ್​, ತಿಳಿಬಣ್ಣದ ಸ್ಕಾಫ್ ಧರಿಸಿದ್ದ ಯುವತಿ ಕೈಯಲ್ಲಿ ದೊಣ್ಣೆ ಹಿಡಿದಿರೋ ಒಂದು ಫೋಟೋ ವೈರಲ್ ಆಗಿತ್ತು. ಇದೀಗ ಆ ಯುವತಿಯ ಗುರುತು ಪತ್ತೆಹಚ್ಚಲಾಗಿದ್ದು, ದೆಹಲಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿ ಎಂದು ಗುರುತಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  'ಜೆಎನ್‌ಯು ಹಿಂಸಾಚಾರದ ವಿಡಿಯೋಗಳಲ್ಲಿ ಕಾಣಿಸಿಕೊಂಡ ಮುಖವಾಡದ ಮಹಿಳೆ ದೆಹಲಿ ವಿಶ್ವವಿದ್ಯಾಲಯದವರು ಎಂದು ಎಸ್‌ಐಟಿ ತಂಡ ಗುರುತಿಸಿದೆ. ಗಲಾಟೆ ನಡೆದ ದಿನ ಈ ಫೋಟೋದಲ್ಲಿರುವ ಯುವತಿಯನ್ನು ಹಲವರು ಗುರುತಿಸಿದ್ದರು. ಅಲ್ಲದೆ ಆಕೆಯ ಬೇರೆ ಫೋಟೋಗಳನ್ನು ಉಲ್ಲೇಖಿಸಿ, ಹೋಲಿಕೆ ಮಾಡಿ ಟ್ವೀಟ್ ಮಾಡಿದ್ದರು ತನಿಖೆಗೆ ಸಹಕರಿಸುವಂತೆ ಆಕೆಗೆ ಶೀಘ್ರದಲ್ಲೇ ನೋಟಿಸ್ ನೀಡಲಾಗುವುದು' ಎಂದು ದೆಹಲಿ ಪೊಲೀಸರು ತಿಳಿಸಿರುವುದಾಗಿ ತಿಳಿದು ಬಂದಿದೆ.