ಭೂಗತ ಪಾತಕಿ ದಾವುದ್ ವಿಳಾಸವನ್ನು ನೀಡಿ ಪಾಕ್ ರಕ್ಷಣೆಯಲ್ಲಿದ್ದಾನೆಂದ ಸಹಚರ

•   Thu, Jan 16 2020 10:32:06 AM



• ನವದೆಹಲಿ, ಜ 16(Daijiworld News/MSP): ದಾವೂದ್​ ಇಬ್ರಾಹಿಂ, ಪಾಕಿಸ್ತಾನದ ರಕ್ಷಣೆಯಲ್ಲಿದ್ದಾನೆಂದು ಆತನ ಸಹಚರ ಬಾಯಿಬಿಟ್ಟಿದ್ದಾನೆ. ಭಾರತವು ಹಲವು ಬಾರೀ ಪಾಕಿಸ್ತಾನದ ಬಳಿ ದಾವೂದ್​ ಇಬ್ರಾಹಿಂ ಬಗ್ಗೆ ಕೇಳಿದಾಗಲೆಲ್ಲಾ ನಮ್ಮ ದೇಶದಲ್ಲಿ ಆತನಿಲ್ಲ ಎಂದು ಅದೇ ಸಿದ್ದ ಉತ್ತರ ಕೊಡುತ್ತದೆ. ಇದೀಗ ಪಾಕಿಸ್ತಾನದ ನರಿ ಬುದ್ದಿ ಬಯಲಾಗಿದೆ.

  

  ಬಂಧಿತ ದಾವೂದ್ ಸಹಚರ 'ಇಜಾಜ್ ಲಕಡಾವಾಲಾ' ಪೊಲೀಸರಿಗೆ ಈ ಮಾಹಿತಿ ಅರುಹಿದ್ದಾನೆ. ಮಾತ್ರವಲ್ಲದೆ, ದಾವೂದ್​ ಇಬ್ರಾಹಿಂ ನ ವಿಳಾಸವನ್ನು ಪೊಲೀಸರಿಗೆ ನೀಡಿದ್ದಾನೆ. ದಾವೂದ್​ ಪಾಕಿಸ್ತಾನದ ರಕ್ಷಣೆಯಲ್ಲಿದ್ದು ಆತನಿರುವ ಬಳಿ ತಲುಪುವುದು ಅಸಾಧ್ಯ. ಆತ ಕರಾಚಿಯ ರಕ್ಷಣಾ ವಸತಿ ಪ್ರದೇಶದಲ್ಲಿರುವ 6ಎ, ಖಯಾಬನ್​ ತಾಂಜಿಮ್​ 5ನೇ ಘಟ್ಟ, ಢಿಪೆನ್ಸ್​ ಹೌಸಿಂಗ್​ ಏರಿಯಾ ಆತನಿರುವ ಸ್ಥಳವಾಗಿದೆ. ಇದೇ ಆತನ ದಾವೂದ್​ ವಿಳಾಸವಾಗಿದ್ದು ಇಲ್ಲಿಗೆ ತಲುಪುವುದು ಮಾತ್ರ ಅಸಾಧ್ಯ. ಯಾಕೆಂದರೆ, ಆತನಿಗೆ ಪಾಕಿಸ್ತಾನದ ಗುಪ್ತಚರ ಇಲಾಖೆ ಐಎಸ್​ಐ ಭದ್ರತೆ ಒದಗಿಸಿದೆ. ಪಾಕ್​ ಪ್ರಧಾನಿ ಹಾಗೂ ಸೇನಾ ಮುಖ್ಯಸ್ಥರಿಗೂ ಈ ವಿಚಾರದ ಬಗ್ಗೆ ಸ್ಪಷ್ಟವಾಗಿ ತಿಳಿದಿದೆ ಎಂದುತ್ತರಿಸಿದ್ದಾನೆ.

  ಇವನಲ್ಲದೇ ದಾವುದ್ ಸಹಚರ ಛೋಟಾ ಶಕೀಲ್​, ಅನೀಸ್​ ಸೇರಿ ಅನೇಕ ಪಾತಕಿಗಳಿಗೆ ಐಎಸ್​ಐ ಭದ್ರತೆ ಒದಗಿಸಿದೆಯಂತೆ. ಬಂಧಿತ ದಾವೂದ್ ಸಹಚರ 'ಇಜಾಜ್' ಭಾರತಕ್ಕೆ ಬರುವ ಬಗ್ಗೆ ಆತನ ಮಗಳು ಸೋನಿಯಾ ಪೊಲೀಸರಿಗೆ ಮಾಹಿತಿ ನೀಡಿದ್ದಳು. ಈ ಮಾಹಿತಿ ಆಧಾರಿಸಿ ಕಾರ್ಯಚರಣೆಗೆ ಇಳಿದ ಆತನನ್ನು ಮುಂಬೈ ಪೊಲೀಸರು ಪಟನಾದಲ್ಲಿ ಬಂಧಿಸಿದ್ದರು.