ಅಶ್ಲೀಲ ವಿಡಿಯೋ ತೋರಿಸಿ ಮಕ್ಕಳಿಗೆ ಪಾಠ - ಶಿಕ್ಷಕನ ವಿರುದ್ದ ದೂರು

•   Wed, Jan 22 2020 04:53:09 PM



• ಯಾದಗಿರಿ, ಜ.22(Daijiworld News/MSP): ಗರ್ಭ ಧರಿಸುವುದು ಹೇಗೆ, ಋತುಮತಿಯಾಗುವುದು ಹೇಗೆ ಎಂದು ಪ್ರಾಥಮಿಕ ಶಾಲಾ ಮಕ್ಕಳಿಗೆ ಅಶ್ಲೀಲ ವಿಡಿಯೋಗಳನ್ನು ತೋರಿಸಿ ಪಾಠ ಮಾಡುತ್ತಿದ್ದ ಎಂದು ಆರೋಪಿಸಿ ಶಿಕ್ಷಕನ ವಿರುದ್ದ ಮಕ್ಕಳು ಮತ್ತು ಪಾಲಕರು ಶಾಲಾ ಮುಖ್ಯ ಶಿಕ್ಷಕನ ದೂರು ಸಲ್ಲಿಸಿದ ಘಟನೆ ಯಾದಗಿರಿಯ ಗುರುಮಠಕಲ್ ತಾಲೂಕಿನ ಮಡೇಪಲ್ಲಿ ಶಾಲೆಯಲ್ಲಿ ನಡೆದಿದೆ.

  

  ಆರೋಪಿ ಶಿಕ್ಷಕನನ್ನು ಮಡೇಪಲ್ಲಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕ ಚಂದ್ರಪಾಲ್ ಎಂದು ಗುರುತಿಸಲಾಗಿದೆ. ಹಲವು ದಿನಗಳಿಂದ ಶಿಕ್ಷಕ ಪಾಠ ಮಾಡುವ ನೆಪದಲ್ಲಿ ಅಶ್ಲೀಲ ವಿಡಿಯೋಗಳನ್ನು ತೋರಿಸಿ ಯಾರಿಗೂ ಹೇಳದಂತೆ ವಿದ್ಯಾರ್ಥಿಗಳನ್ನು ಬೆದರಿಸುತ್ತಿದ್ದ ಎನ್ನಲಾಗಿದೆ.

  ಮಕ್ಕಳು ಶಿಕ್ಷಕನ ನಡವಳಿಕೆಯಿಂದ ರೋಸಿ ಹೋಗಿ ಪಾಲಕರ ಬಳಿ ಹೇಳಿಕೊಂಡಿದ್ದಾರೆ. ಇದರಿಂದ ಆಕ್ರೋಶಗೊಂಡ ಪಾಲಕರು ಶಾಲೆಯ ಮುಖ್ಯ ಶಿಕ್ಷಕರನ್ನು ಪ್ರಶ್ನಿಸಿದ್ದಾರೆ. ಈ ವೇಳೆ ಆದಿವಾಸಿಗಳ ಜೀವನ, ಸಂತಾನೋತ್ಪತ್ತಿ ಬಗ್ಗೆ ಪಾಠ ಬೋಧಿಸುತ್ತಿದ್ದೆ ಎಂದು ಶಿಕ್ಷಕ ಚಂದ್ರಪಾಲ್ ಹೇಳಿಕೊಂಡಿದ್ದಾನೆ.

  ವಿಷಯ ತಿಳಿದ ಮೇಲಧಿಕಾರಿಗಳು ಶಾಲೆಗೆ ಭೇಟಿ ಪರಿಶೀಲಿಸಿ ಶಿಸ್ತುಕ್ರಮಕ್ಕೆ ವರದಿ ಸಲ್ಲಿಸಲಾಗುವುದು ಎಂದಿದ್ದಾರೆ. ಆದರೆ ಪೋಷಕರು ಮತ್ತು ಮಕ್ಕಳು ಅಶ್ಲೀಲ ಭೋದಿಸುವ ಈ ಶಿಕ್ಷಕ ನಮಗೆ ಬೇಡ ಎಂದು ಪಟ್ಟುಹಿಡಿದಿದ್ದಾರೆ.