'ಸಿಎಂ ಯಡಿಯೂರಪ್ಪ ಅವರಿಗೆ ಮಳೆಯನ್ನು ನಿಭಾಯಿಸಬಲ್ಲ ಶಕ್ತಿಯಿದೆ' - ಶೋಭಾ ಕರಂದ್ಲಾಜೆ

•   Mon, Jan 27 2020 08:08:44 AM



• ಮೈಸೂರು, ಜ 27 (Daijiworld News/MB) : "ಮುಖ್ಯಮಂತ್ರಿ ಯಡಿಯೂರಪ್ಪ ಅವರಿಗೆ ಮಳೆಯನ್ನು ನಿಭಾಯಿಸಬಲ್ಲ ಶಕ್ತಿಯಿದೆ" ಎಂದು ಸಂಸದೆ ಶೋಭಾ ಕರಂದ್ಲಾಜೆ ಹೇಳಿದರು.

  

  ಮೈಸೂರಿನ ಸುತ್ತೂರಿನಲ್ಲಿ ಸುತ್ತೂರು ಜಾತ್ರೆ ಸಮಾರೋಪದಲ್ಲಿ ಮಾತನಾಡಿದ ಅವರು, " 2008ರಲ್ಲಿ ಯಡಿಯೂರಪ್ಪನವರು ಮುಖ್ಯಮಂತ್ರಿ ಆಗಿದ್ದರು. ಬರದ ಸಂದರ್ಭದಲ್ಲೇ ಮಳೆ ಧಾರಕಾರವಾಗಿ ಸುರಿದಿತ್ತು. ಈ ಬಾರಿ ದೊಡ್ಡ ಪ್ರಮಾಣದಲ್ಲಿ ಮಳೆ ಬಂದ ಪರಿಣಾಮ ಬರ ದೂರವಾಗಿದೆ. ಆದರೆ ನೆರೆಯಿಂದಾಗಿ ಜನರ ಮನೆಗಳಿಗೆ ಹಾನಿ ಉಂಟಾಯಿತು" ಎಂದು ಹೇಳಿದರು.

  "ಪ್ರವಾಹ ಪರಿಹಾರವಾಗಿ ಎನ್.ಡಿ.ಆರ್.ಎಫ್ ತಂಡ 94 ಸಾವಿರ ಕೊಡುತ್ತದೆ. ಅದಕ್ಕೆ 4 ಲಕ್ಷದ 6 ಸಾವಿರ ಸೇರಿಸಿ ಮನೆ ಕಟ್ಟಲು ಹಣ ನೀಡುತ್ತಿದ್ದಾರೆ. ಸಮಸ್ಯೆಗೆ ಪರಿಹಾರ ಕೊಟ್ಟ ಮೊದಲ ಮುಖ್ಯಮಂತ್ರಿ ಅಂದರೆ ಯಡಿಯೂರಪ್ಪನವರು" ಎಂದು ಸಿಎಂ ಯಡಿಯೂರಪ್ಪರನ್ನು ಶೋಭಾ ಕರಂದ್ಲಾಜೆ ಹೊಗಳಿದರು.