'ಎಚ್‌‌ಡಿಕೆ, ಸಿದ್ದರಾಮಯ್ಯ ಅಧಿಕಾರ ಸಿಗುತ್ತದೆಂದು ಹಗಲುಗನಸು ಕಾಣುತ್ತಿದ್ದಾರೆ'-ಎಂಟಿಬಿ ನಾಗರಾಜ್

•   Sun, Feb 16 2020 09:26:43 PM



• ಆನೇಕಲ್‌‌, ಫೆ.16 (DaijiworldNews/PY): "ಸಿದ್ದರಾಮಯ್ಯ ಹಾಗೂ ಕುಮಾರಸ್ವಾಮಿ ಅಧಿಕಾರ ಸಿಗುತ್ತದೆ ಎಂದು ಹಗಲುಗನಸು ಕಾಣುತ್ತಿದ್ದಾರೆ" ಎಂದು ಮಾಜಿ ಸಚಿವ ಎಂಟಿಬಿ ನಾಗರಾಜ್ ಹೇಳಿದ್ದಾರೆ.

  

  ಭಾನುವಾರ ಎಂಟಿಬಿ ನಾಗರಾಜು ಅವರು ತಮ್ಮ ಪುತ್ರ ನಿತಿನ್ ಪುರುಷೋತಮ್ ಹುಟ್ಟುಹಬ್ಬದಲ್ಲಿ ಪಾಲ್ಗೊಂಡು ಬಳಿಕ ಮಾಧ್ಯಮದೊಂದಿಗೆ ಮಾತನಾಡಿದ ಅವರು, "ಸಿದ್ದರಾಮಯ್ಯ ಹಾಗೂ ಕುಮಾರಸ್ವಾಮಿ ಅಧಿಕಾರ ಸಿಗುತ್ತದೆ ಎಂದು ಹಗಲುಗನಸು ಕಾಣುತ್ತಿದ್ದಾರೆ" ಎಂದು ಹೇಳಿದರು. 

  "ಸಿದ್ದರಾಮಯ್ಯ ಅಧಿಕಾರಕ್ಕಾಗಿ ಏನು ಬೇಕಾದರೂ ಮಾಡುತ್ತಾರೆ. ಆದರೆ ಈ ಬಾರೀ ಸಿದ್ದರಾಮಯ್ಯ ಏನೇ ಮಾಡಿದರೂ ಅಧಿಕಾರ ಸಿಗುವುದಿಲ್ಲ, ಇನ್ನು ಮೂರು ವರ್ಷ ಯಡಿಯೂರಪ್ಪ ಸರ್ಕಾರ ಸುಭದ್ರವಾಗಿರುತ್ತೆ. ನಮ್ಮನ್ನು ಇನ್ನು ಕೆಲವು ತಿಂಗಳಲ್ಲಿ ಸಚಿವರನಾಗಿ ಮಾಡುತ್ತಾರೆ. ಯಾರು ಏನೇ ಮಾಡಿದರೂ ಬಿಎಸ್‌ವೈ ಅಧಿಕಾರ ಪೂರ್ಣಗೊಳಿಸುತ್ತಾರೆ.ಆರ್.ಶಂಕರ್, ಎಚ್.ವಿಶ್ವನಾಥ್ ಹಾಗೂ ನನ್ನನ್ನು ಯಡಿಯೂರಪ್ಪ ಯಾವತ್ತೂ ಕೈ ಬಿಡುವುದಿಲ್ಲ" ಎಂದರು.