ಇಂಡಿಯನ್-2 ಚಿತ್ರೀಕರಣದ ಸೆಟ್ ಮೇಲೆ ಬಿದ್ದ ಕ್ರೇನ್ - ಮೂವರು ಸ್ಥಳದಲ್ಲೇ ಮೃತ್ಯು

•   Thu, Feb 20 2020 08:26:28 AM



• ಚೆನೈ, ಫೆ 20 (Daijiworld News/MB) : ಕಮಲ್ ಹಾಸನ್ ಅಭಿನಯದ ಇಂಡಿಯನ್ -2 ಚಿತ್ರದ ಸೆಟ್‌ಗಳ ಮೇಲೆ ಕ್ರೇನ್ ಬಿದ್ದ ಪರಿಣಾಮ ಬುಧವಾರ ರಾತ್ರಿ ಮೂವರು ಸಾವನ್ನಪ್ಪಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಈ ಘಟನೆ ಸೆಟ್‌ ನಿರ್ಮಾಣ ಮಾಡುವಾಗ ಘಟಿಸಿದ್ದು ಅಪಘಾತದಲ್ಲಿ 10 ಜನರು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

  

  ನಿರ್ದೇಶಕ ಶಂಕರ್ ಅವರ ವೈಯಕ್ತಿಕ ಸಹಾಯಕ ಮಧು (29) ಮತ್ತು ಸಹಾಯಕ ನಿರ್ದೇಶಕ ಕೃಷ್ಣ (34) ಸೇರಿದಂತೆ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

  ಅನೇಕ ಅಪಘಾತಗಳನ್ನು ನಾನು ಎದುರಿಸಿದ್ದೇನೆ. ಆದರೆ ಇಂದಿನ ದಿನ ಅತ್ಯಂತ ಭಯಾನಕವಾಗಿದೆ. ನನ್ನ ಮೂವರು ಸಹೋದ್ಯೋಗಿಗಳನ್ನು ನಾನು ಕಳೆದುಕೊಂಡೆ. ನನ್ನ ಸ್ವಂತ ನೋವಿಗಿಂತ ಅವರ ಕುಟುಂಬ ಸದಸ್ಯರ ನೋವು ಅನೇಕ ಪಟ್ಟು ಹೆಚ್ಚು. ನಾನು ಆ ದುಖಃವನ್ನು ಅವರಲ್ಲಿ ಒಬ್ಬನಾಗಿ ಹಂಚಿಕೊಳ್ಳುತ್ತೇನೆ. ಅವರಿಗೆ ನನ್ನ ಸಂತಾಪ ಎಂದು ಕಮಲ್ ಹಾಸನ್ ಟ್ವೀಟ್ಟರ್ ನಲ್ಲಿ ತಿಳಿಸಿದ್ದಾರೆ.

  ಆ ಕೂಡಲೇ ನಟ ಕಮಲ್ ಹಾಸನ್ ಸ್ಥಳಕ್ಕೆ ಧಾವಿಸಿ ಗಾಯಾಳುಗಳನ್ನು ಆಸ್ಪತ್ರೆಗೆ ಕರೆದೊಯ್ಯಲು ವ್ಯವಸ್ಥೆ ಮಾಡಿದರು.

  ಚಿತ್ರೀಕರಣಕ್ಕಾಗಿ ಕ್ರೇನ್ ಬಳಸಿ ಲೈಟಿಂಗ್ ಸೆಟ್ ಗಳನ್ನು ನಿರ್ಮಾಣ ಮಾಡಲಾಗುತ್ತಿತ್ತು. ಈ ಸಂದರ್ಭದಲ್ಲಿ ನಿರ್ದೇಶಕ ಶಂಕರ್ ಕೂಡ ಇದ್ದು ಅಪಾಯದಿಂದ ಪಾರಾಗಿದ್ದಾರೆ.

  #Indian2 mishap: 3 dead & 9 injured in the crane accident. The injured have been taken to a nearby hospital. Director Shankar is unhurt. pic.twitter.com/62Ux5Bav53

  — Shabbir Ahmed (@Ahmedshabbir20) February 19, 2020