ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌‌ ಟ್ರಂಪ್‌ಗೆ ರಾಷ್ಟ್ರಪತಿ ಭವನದಲ್ಲಿ ಅದ್ದೂರಿ ಸ್ವಾಗತ

•   Tue, Feb 25 2020 11:45:12 AM



• ನವದೆಹಲಿ, ಫೆ.25 (DaijiworldNews/PY) : ಎರಡು ದಿನಗಳ ಪ್ರವಾಸ ನಿಮಿತ್ತ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕುಟುಂಬ ಸಮೇತ​ ಸೋಮವಾರ ಭಾರತಕ್ಕೆ ಆಗಮಿಸಿದ್ದು, ಮಂಗಳವಾರ ರಾಷ್ಟ್ರಪತಿ ಭವನದಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ‌ಅವರನ್ನು ಸ್ವಾಗತಿಸಲಾಯಿತು.

  

  ರಾಷ್ಟ್ರಪತಿ ಭವನಕ್ಕೆ ತಮ್ಮ ದಿ ಬೀಸ್ಟ್‌ ಕಾರ್‌ನಲ್ಲಿ ಪತ್ನಿ ಮೆಲೇನಿಯಾ ಟ್ರಂಪ್‌‌ ಅವರೊಂದಿಗೆ ಆಗಮಿಸಿ ಡೊನಾಲ್ಡ್‌ ಟ್ರಂಪ್‌‌‌‌ ಅವರಿಗೆ ರಾಷ್ಟ್ರಪತಿ ಭವನದ ಅಂಗರಕ್ಷಕ ಪಡೆ ಬೆಂಗಾವಲಾಗಿತ್ತು.

  ರಾಷ್ಟ್ರಪತಿ ರಾಮನಾಥ್ ಕೋವಿಂದ್‌ ಅವರು ಪತ್ನಿ ಸವಿತಾ ಕೋವಿಂದ್‌ ಅವರೊಂದಿಗೆ ಟ್ರಂಪ್‌ ಅವರನ್ನು ಸ್ವಾಗತಿಸಿದರು. ಈ ವೇಳೆ ಪ್ರಧಾನಿ ನರೇಂದ್ರ ಮೋದಿ ಸಹ ಉಪಸ್ಥಿತರಿದ್ದರು.
  ಟ್ರಂಪ್ ಅವರು ರಾಷ್ಟ್ರಪತಿ ಭವನದಿಂದ ರಾಜ್‌ಘಾಟ್‌ಗೆ ತೆರಳಿ, ಗಾಂಧಿ ಸ್ಮಾರಕಕ್ಕೆ ಗೌರವ ಸಲ್ಲಿಸಿ ಬಳಿಕ ರಾಜ್‌ಘಾಟ್‌ನಲ್ಲಿ ತಮ್ಮ ಭೇಟಿಯ ನೆನಪಿಗೆ ಗಿಡವೊಂದನ್ನು ನೆಟ್ಟರು.

  ಭಾರತದ ಮೂರೂ ಸಶಸ್ತ್ರಪಡೆಗಳು ಟ್ರಂಪ್‌ ಅವರಿಗೆ ಗೌರವವಂದನೆ ಸಲ್ಲಿಸಿದವು. ರಾಷ್ಟ್ರಪತಿ ಭವನದ ಟ್ವಿಟರ್‌ ಖಾತೆಯಲ್ಲಿ ಟ್ರಂಪ್ ಭೇಟಿಯ ವಿಡಿಯೊ ಲೈವ್‌ ಸ್ಟ್ರೀಮಿಂಗ್ ಇತ್ತು.

  ಈ ಸಂದರ್ಭ ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ವಿದೇಶಾಂಗ ವ್ಯವಹಾರಗಳ ಖಾತೆ ಸಚಿವ ಎಸ್.ಜೈಶಂಕರ್, ಆರೋಗ್ಯ ಸಚಿವ ಹರ್ಷವರ್ಧನ್, ಅಮೆರಿಕದಲ್ಲಿರುವ ಭಾರತೀಯ ರಾಯಭಾರಿ ತರಣ್‌ಜಿತ್ ಸಿಂಗ್ ಸಂಧು ಹಾಗೂ ಮೂರೂ ಸಶಸ್ತ್ರಪಡೆಗಳು ದಂಡನಾಯಕರು ಹಾಜರಿದ್ದರು.

  LIVE: Ceremonial welcome of President @realDonaldTrump at Rashtrapati Bhavan https://t.co/7W4MyV7XAT

  — President of India (@rashtrapatibhvn) February 25, 2020