ದೆಹಲಿ ಮೆಟ್ರೋ ನಿಲ್ದಾಣದಲ್ಲಿ ಗೋಲಿ ಮಾರೋ ಘೋಷಣೆ-6 ಮಂದಿ ವಶಕ್ಕೆ

•   Sat, Feb 29 2020 07:59:36 PM



• ನವದೆಹಲಿ, ಫೆ.29 (DaijiworldNews/PY) : ದೆಹಲಿಯ ರಾಜೀವ್‌ ಚೌಕ್‌ ಮೆಟ್ರೊ ನಿಲ್ದಾಣದಲ್ಲಿ ಗೋಲಿ ಮಾರೊ ಘೋಷಣೆ ಕೂಗುತ್ತಿದ್ದ 6 ಜನರನ್ನು ದೆಹಲಿ ಮೆಟ್ರೊ ಭದ್ರತಾ ಸಿಬ್ಬಂದಿಗಳು ಪೊಲೀಸರ ವಶಕ್ಕೆ ನೀಡಿದ್ದಾರೆ.

  

  ಶನಿವಾರ ಮಧ್ಯಾಹ್ನ ರಾಜೀವ್‌ ಚೌಕ್‌ ನಿಲ್ದಾಣದಲ್ಲಿ ದೇಶ್‌ ಕಿ ಗದ್ದಾರೊಂಕೊ, ಗೋಲಿ ಮಾರೊ(ದೇಶಕ್ಕೆ ಮೋಸ ಮಾಡಿದವರಿಗೆ ಗುಂಡು ಹೊಡೆಯಿರಿ) ಎಂಬ ಘೋಷಣೆ ಕೂಗಲು ಯುವಕರ ಗುಂಪೊಂದು ಆರಂಭಿಸಿದ್ದು, ಇದನ್ನು ಗಮನಿಸಿದ ದೆಹಲಿ ಮೆಟ್ರೊ ಭದ್ರತಾ ಸಿಬ್ಬಂದಿ 6 ಜನರನ್ನು ವಶಕ್ಕೆ ಪಡೆದು ಪೊಲೀಸರಿಗೆ ಒಪ್ಪಿಸಿದೆ.

  ಸಾಮಾಜಿಕ ಜಾಲತಾಣಗಳಲ್ಲಿ ಘೋಷಣೆ ಕೂಗುತ್ತಿದ್ದ 6 ಜನರ ವಿಡಿಯೊ ವೈರಲ್‌‌ ಆಗಿದೆ.

  ದೆಹಲಿ ಮೆಟ್ರೊ ರೈಲು ಕಾರ್ಪೊರೇಶನ್‌ ಈ ವಿಚಾರವಾಗಿ ಸ್ಪಷ್ಟನೆ ನೀಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆದ ವಿಡಿಯೊ ರಾಜೀವ್‌ ಚೌಕ್‌ ಮೆಟ್ರೊ ನಿಲ್ದಾಣದಲ್ಲಿ ನಡೆದ ಘಟನೆಗೆ ಸಂಬಂಧಿಸಿದೆ. ಶನಿವಾರ ಮಧ್ಯಾಹ್ನ 12:52ರ ಸಮಯದಲ್ಲಿ ಈ ಘಟನೆ ನಡೆದಿದ್ದು, ಘೋಷಣೆ ಕೂಗುತ್ತಿದ್ದ 6 ಜನರನ್ನು ಪೊಲೀಸರ ವಶಕ್ಕೆ ಕೊಡಲಾಗಿದೆ ಎಂದು ತಿಳಿಸಿದೆ.

  ಪೊಲೀಸರು ವಶಕ್ಕೆ ಪಡೆದಿರುವ 6 ಜನರ ವಿಚಾರಣೆಯನ್ನು ಪ್ರಾರಂಭಿಸಿದ್ಧಾರೆ.