7.5 ಕೋಟಿ ರೂ. ಮೌಲ್ಯದ 'ಯಾಬಾ' ಮಾದಕ ಟ್ಯಾಬ್ಲೆಟ್‌ ವಶ

•   Mon, Mar 02 2020 09:18:19 AM



• ತ್ರಿಪುರ, ಮಾ 2 (Daijiworld News/MSP): ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 7.5 ಕೋಟಿ ರೂ. ಮೌಲ್ಯವನ್ನು ಹೊಂದಿದ್ದ 1.5 ಲಕ್ಷ "ಯಾಬಾ" ಮಾದಕ ದ್ರವ್ಯ ಟ್ಯಾಬ್ಲೆಟ್ ಹೊಂದಿರುವ ವ್ಯಕ್ತಿಯನ್ನು ಗೋಕುಲ್ ನಗರದಲ್ಲಿ ಭಾನುವಾರ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

  

  ಬಂಧಿತ ವ್ಯಕ್ತಿಯನ್ನು ಜಹೀದ್ ಹುಸೇನ್ (27) ಎಂದು ಗುರುತಿಸಲಾಗಿದೆ. ಈತ ಯಾಬಾ ಟ್ಯಾಬ್ಲೆಟ್‌ಗಳನ್ನು ಅಸ್ಸಾಂನಿಂದ ಸೋನಮುರಾ ಗಡಿಗೆ ಕಳ್ಳಸಾಗಣೆ ಮಾಡಲು ಪ್ರಯತ್ನಿಸುತ್ತಿದ್ದಾಗ ಪೊಲೀಸರ ವಶವಾಗಿದ್ದಾನೆ ಎಂದು ಗೋಕುಲ್‌ನಗರ ಸೆಕ್ಟರ್ ನ ಜನರಲ್ ಬಾರ್ಡರ್ ಸೆಕ್ಯುರಿಟಿ ಫೋರ್ಸ್ (ಬಿಎಸ್‌ಎಫ್) ಡೆಪ್ಯೂಟಿ ಇನ್ಸ್‌ಪೆಕ್ಟರ್ ಮಾಹಿತಿ ನೀಡಿದ್ದಾರೆ.

  "ಯಾಬಾ ಟ್ಯಾಬ್ಲೆಟ್‌ಗಳನ್ನು ಕಳ್ಳಸಾಗಣೆ ಮಾಡುವ ಬಗ್ಗೆ ಬಿಎಸ್‌ಎಫ್‌ಗೆ ನಿರ್ದಿಷ್ಟ ಮಾಹಿತಿ ಇತ್ತು. ನಾವು ಪೊಲೀಸರೊಂದಿಗೆ ಕಾರ್ಯಾಚರಣೆ ನಡೆಸಿದ್ದೇವೆ ಮತ್ತು ಅದು ಯಶಸ್ವಿಯಾಗಿದೆ. ವಾಹನದ ಚಾಲಕ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾನೆ, ಆದರೆ ಸಹ ಚಾಲಕನನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ಅವರು ಹೇಳಿದರು. ಇವರ ಬಳಿ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 7.5 ಕೋಟಿ ರೂ. ಮೌಲ್ಯದ 1.5 ಲಕ್ಷ ಯಾಬಾ ಟ್ಯಾಬ್ಲೆಟ್‌ಗಳಲ್ಲಿ ಇವರಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ಅವರು ಹೇಳಿದರು.