ಡಿಎಂಕೆ ಹಿರಿಯ ನಾಯಕ ಕೆ.ಅನ್ಬಗಳನ್ ವಿಧಿವಶ

•   Sat, Mar 07 2020 08:40:54 PM



• ಚೆನ್ನೈ, ಮಾ.07 (DaijiworldNews/PY) : ಡಿಎಂಕೆ ಹಿರಿಯ ನಾಯಕ ಕೆ. ಅನ್ಬಗಳನ್ (97) ಅವರು ವಯೋಸಹಜ ಅನಾರೋಗ್ಯದಿಂದ ಶನಿವಾರ ನಿಧನರಾದರು.

  

  ಫೆ.24ರಂದು ಆರೋಗ್ಯ ಹದಗೆಟ್ಟಿದ್ದರಿಂದ ಅವರನ್ನು ಅಪೊಲೊ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅವರ ನಿಧನ ಹಿನ್ನೆಲೆ ಒಂದು ವಾರದ ಅವಧಿಗೆ ಪಕ್ಷದ ಬಾವುಟವನ್ನು ಅರ್ಧಮಟ್ಟದಲ್ಲಿ ಹಾರಿಸಲಾಗುತ್ತದೆ. ಅನ್ಬಗಳನ್ ಅವರು ಪಕ್ಷದ ಸಂಸ್ಥಾಪಕರಾಗಿದ್ದ ದಿ.ಕರುಣಾನಿಧಿ ಅವರಿಗೆ ಆಪ್ತಸ್ನೇಹಿತರಾಗಿದ್ದರು ಎಂದು ಡಿಎಂಕೆ ಮುಖ್ಯಸ್ಥ ಎಂ.ಕೆ. ಸ್ಟಾಲಿನ್ ತಿಳಿಸಿದ್ದಾರೆ.

  ಅನ್ಬಗಳನ್ ನಿಧನಕ್ಕೆ ಉಪರಾಷ್ಟ್ರಪತಿ ಎಂ.ವೆಂಕಯ್ಯ ನಾಯ್ಡು, ತಮಿಳುನಾಡು ಮುಖ್ಯಮಂತ್ರಿ ಕೆ. ಪಳನಿಸ್ವಾಮಿ, ಉಪಮುಖ್ಯಮಂತ್ರಿ ಒ.ಪನ್ನೀರ್‌ಸೆಲ್ವಂ ಸೇರಿದಂತೆ ಹಲವು ಗಣ್ಯರು ಸಂತಾಪ ಸೂಚಿದ್ದಾರೆ.