ಮೊಂಬತ್ತಿ ಉರಿಸಿ, ಲೈಟ್‌ ಆಫ್‌ ಮಾಡುವುದಕ್ಕೂ, ಕೊರೊನಾ ವಿರುದ್ದ ಹೋರಾಡುವುದಕ್ಕೂ ಯಾವುದೇ ಸಂಬಂಧವಿಲ್ಲ - ಕಾಂಗ್ರೆಸ್‌ ಮುಂಖಂಡ

•   Fri, Apr 03 2020 05:59:37 PM



• ನವದೆಹಲಿ, ಎ.03 (DaijiworldNews/PY) : ಕೊರೊನಾ ವಿರುದ್ದ ಹೋರಾಡುವುದಕ್ಕೂ, ಮೊಂಬತ್ತಿ ಉರಿಸಿ, ಲೈಟ್‌ ಆಫ್‌ ಮಾಡುವುದಕ್ಕೂ ಯಾವುದೇ ಸಂಬಂಧವಿಲ್ಲ. ಹಾಗಾಗಿ ನಾನು ಮೊಂಬತ್ತಿ ಉರಿಸುವುದೂ ಇಲ್ಲ, ಲೈಟ್‌ ಆಫ್‌ ಮಾಡುವುದೂ ಇಲ್ಲ ಎಂದು ಕಾಂಗ್ರೆಸ್‌ ತಿಳಿಸಿದೆ.

  

  ಈ ವಿಚಾರವಾಗಿ ಸುದ್ದಿಗಾರರೊಂದಿಗೆ ಮಾತನಾಡಿದ ಕಾಂಗ್ರೆಸ್‌ ಮುಂಖಂಡ ಎ.ಆರ್.ಚೌದರಿ ಅವರು, ಅಂದು ನಾನು ಲೈಟ್‌ ಆಫ್‌ ಮಾಡುವುದೂ ಇಲ್ಲ, ಮೊಂಬತ್ತಿಯೂ ಉರಿಸುವುದಿಲ್ಲ. ನನ್ನನ್ನು ಇದರಿಂದ ರಾಷ್ಟ್ರವಿರೋಧ ಎಂದು ಕರೆಯಬಹುದು. ಈ ರೀತಿಯಾಗಿ ಕರೆಸಿಕೊಳ್ಳುವುದಕ್ಕೂ ನಾನು ಸಿದ್ದ ಎಂದು ಅವರು ಹೇಳಿದ್ದಾರೆ.

  ಆದರೆ, ಕೊರೊನಾ ವಿರುದ್ದ ಕಾಂಗ್ರೆಸ್‌ ಹೋರಾಟ ಮುಂದುವರೆಸುತ್ತದೆ ಎಂದು ಹೇಳಿದ್ದಾರೆ. ಎ.5ರಂದು ಭಾನುವಾರ ರಾತ್ರಿ 9 ನಿಮಿಷಗಳ ಕಾಲ ಲೈಟ್‌ ಆಫ್‌ ಮಾಡಿ ಮೊಂಬತ್ತಿ, ಮೊಬೈಲ್‌ ಟಾರ್ಚ್ ಅಥವಾ ಇತರೆ ದೀಪಗಳನ್ನು ಬೆಳಗಿಸುವ ಮೂಲಕ ಕೊರೊನಾ ವಿರುದ್ದ ಹೋರಾಟದ ಒಗ್ಗಟ್ಟು ಪ್ರದರ್ಶಿಸಬೇಕು ಎಂದು ಪ್ರಧಾನಿ ಮೋದಿ ಅವರು ಶುಕ್ರವಾರ ಬೆಳಗ್ಗೆ ರಾಷ್ಟ್ರವನ್ನು ಉದ್ದೇಶಿಸಿ ಮಾತನಾಡಿದ್ದರು.