ತೆಲಂಗಾಣ : 23 ದಿನಗಳ ಮಗುವಿಗೂ ತಗುಲಿದ ಕೊರೊನಾ ವೈರಸ್‌

•   Wed, Apr 08 2020 11:19:36 AM



• ತೆಲಂಗಾಣ, ಎ.08 (Daijiworld News/MB) : ಕೊರೊನಾ ಮಹಾಮಾರಿ ತನ್ನ ಕರಾಳ ಹಸ್ತವನ್ನು ಎಲ್ಲೆಡೆ ಚಾಚಿದ್ದು ತೆಲಂಗಾಣದಲ್ಲಿ 23 ದಿನಗಳ ಮಗುವಿಗೂ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ. ಇದೀಗ ತೆಲಂಗಾಣ ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 400 ರತ್ತ ಸಮೀಪಿಸಿದೆ.

  

  ಸಾಂದರ್ಭಿಕ ಚಿತ್ರ

  ಮಂಗಳವಾರ 23 ದಿನಗಳ ಮಗುವಿಗೆ ಕೊರೊನಾ ಇರುವುದು ದೃಢಪಟ್ಟಿದೆ. ರಾಜ್ಯದಲ್ಲಿ ಕೊರೊನಾದಿಂದಾಗಿ ಮೃತಪಟ್ಟವರ ಸಂಖ್ಯೆ 11 ಕ್ಕೆ ಏರಿದೆ. ಹಾಗೆಯೇ 35 ಜನರು ಗುಣಮುಖರಾಗಿದ್ದಾರೆ.

  ರಾಜ್ಯದಲ್ಲಿ ವೈರಸ್ ಸಮುದಾಯಿಕವಾಗಿ ಹರಡಿಲ್ಲ. ಇದಕ್ಕೆ ಯಾವುದೇ ಯಾವುದೇ ಪುರಾವೆಗಳಿಲ್ಲ. ದೆಹಲಿ ಧಾರ್ಮಿಕ ಸಭೆಗಳಲ್ಲಿ ಪಾಲ್ಗೊಂಡವರನ್ನು ಅವರೊಂದಿಗೆ ಸಂಪರ್ಕಿತರಾದವರನ್ನು ಶೀಘ್ರವಾಗಿ ಪತ್ತೆಹಚ್ಚಲಾಗುತ್ತದೆ. ಪಾಸಿಟಿವ್ ಪ್ರಕರಣಗಳು ವರದಿಯಾದ ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲಿ ಮುನ್ನೆಚ್ಚರಿಕಾ ಕ್ರಮ ಕೈಗೊಳ್ಳಲಾಗಿದೆ ಎಂದು ಸಚಿವಾಲಯ ಮಾಹಿತಿ ನೀಡಿದೆ.