ಪ್ರಧಾನಿ ಮೋದಿಗೆ ಧನ್ಯವಾದ ಅರ್ಪಿಸಿದ ಬ್ರೆಝಿಲ್ ಅಧ್ಯಕ್ಷ ಬೋಲ್ಸನಾರೊ

•   Thu, Apr 09 2020 12:56:44 PM



• ನವದೆಹಲಿ, ಎ.09 (Daijiworld News/MB) : ಕೊರೊನಾ ವೈರಸ್‌ ಸೋಂಕಿತರ ಚಿಕಿತ್ಸೆಗಾಗಿ ಬಳಸುವ ಹೈಡ್ರಾಕ್ಸಿಕ್ಲೋರೋಕ್ವಿನ್ ತಯಾರಿಗೆ ಸಂಬಂಧಿಸಿದ ಕಚ್ಚಾವಸ್ತುಗಳನ್ನು ಪೂರೈಸಿದ ಭಾರತಕ್ಕೆ ಬ್ರೆಝಿಲ್ ಅಧ್ಯಕ್ಷ ಜೈರ್ ಬೋಲ್ಸನಾರೊ ಧನ್ಯವಾದ ಸಲ್ಲಿಸಿದ್ದಾರೆ.

  

  ಪ್ರಧಾನಿ ನರೇಂದ್ರ ಮೋದಿಯವರನ್ನು ಸಂಪರ್ಕ ಮಾಡಿದ ಬ್ರೆಝಿಲ್ ಅಧ್ಯಕ್ಷ ಜೈರ್ ಬೋಲ್ಸನಾರೊ ಧನ್ಯವಾದ ತಿಳಿಸಿದ್ದಾರೆ.

  ಹೈಡ್ರಾಕ್ಸಿಕ್ಲೋರೋಕ್ವಿನ್ ಉತ್ಪಾದನೆಯನ್ನು ಮುಂದುವರಿಸಲು ನೀವು ಕಳುಹಿಸಿ ಕೊಟ್ಟಿರುವ ಕಚ್ಚಾವಸ್ತುಗಳನ್ನು ನಾವು ಶನಿವಾರ ಸ್ವೀಕರಿಸುತ್ತೇವೆ. ಈ ಔಷಧಿಯಿಂದಾಗಿ ನಮಗೆ ಕೊರೊನಾ ಸೋಂಕಿತರಿಗೆ, ಮಲೇರಿಯಾ ಇರುವವರಿಗೆ, ಚರ್ಮರೋಗ ಮತ್ತು ಸಂಧಿವಾತ ರೋಗಿಗಳಿಗೆ ಚಿಕಿತ್ಸೆ ನೀಡಲು ಸಾಧ್ಯವಾಗುತ್ತದೆ. ಈ ರೀತಿ ಸಮಯಕ್ಕೆ ಸರಿಯಾಗಿ ಬ್ರೆಝಿಲ್ ಜನತೆಗೆ ಸಹಾಯ ಮಾಡಿದ ಭಾರತಕ್ಕೆ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ನಾನು ಧನ್ಯವಾದ ಅರ್ಪಿಸುತ್ತೇನೆ ಎಂದು ಹೇಳಿದ್ದಾರೆ.