ಮೂರುವರೆ ವರ್ಷದ ಮಗುವಿಗೆ ಒಂಟೆ ಹಾಲು ತಲುಪಿಸಿದ ರೈಲ್ವೆ

•   Mon, Apr 13 2020 01:16:50 PM



• ಮುಂಬೈ, ಎ.13 (DaijiworldNews/PY) : ತನ್ನ ಮೂರುವರೆ ವರ್ಷದ ಮಗುವಿಗೆ ಹಾಲು ಲಭ್ಯವಿಲ್ಲದಿರುವ ಬಗ್ಗೆ ಮಹಿಳೆಯೊಬ್ಬರು ಟ್ವೀಟ್‌ ಮಾಡಿದ ನಂತರ, ರೈಲ್ವೆ 20 ಲೀಟರ್‌ ಒಂಟೆ ಹಾಲನ್ನು ಸಾಗಿಸಿ ಸಹಕರಿಸಿದೆ. ಈ ಬಗ್ಗೆ ಐಪಿಎಸ್‌ ಹಿರಿಯ ಅಧಿಕಾರಿ ಅರುಣ್ ಬೋತ್ರಾ ಅವರು ಟ್ವೀಟ್‌ ಮಾಡಿದ್ದು, ರೈಲ್ವೆಯ ಈ ಉತ್ತಮ ಕಾರ್ಯವು ತಿಳಿದು ಬಂದಿದೆ.

  

  ಸಾಂದರ್ಭಿಕ ಚಿತ್ರ

  ಪ್ರಧಾನಿ ಮೋದಿ ಅವರನ್ನು ಮಗುವಿನ ತಾಯಿ ರೇಣು ಕುಮಾರಿ ಟ್ವೀಟ್‌ನಲ್ಲಿ ಟ್ಯಾಗ್‌ ಮಾಡಿದ್ದು, ಟ್ವೀಟ್‌ನಲ್ಲಿ ತನ್ನ ಮಗನ ಬಗ್ಗೆ ಹೇಳಿಕೊಂಡಿದ್ದರು. ಸರ್‌ ನನ್ನ ಮೂರುವರೆ ವರ್ಷ ವಯಸ್ಸಿನ ಮಗು ಸ್ವಲೀನತೆ ಹಾಗೂ ತೀವ್ರ ಆಹಾರದ ಅಲರ್ಜಿಯಿಂದ ಬಳಲುತ್ತಿದೆ. ಒಂಟೆ ಹಾಲು ಹಾಗೂ ಸೀಮಿತ ಪ್ರಮಾಣದ ದ್ವಿದಳ ಧಾನ್ಯಗಳ ಸೇವನೆಯಿಂದ ಬದುಕುಳಿಯುತ್ತದೆ. ಲಾಕ್‌ಡೌನ್‌ ಪ್ರಾರಂಭವಾದಾಗಿನಿಂದ ಮಗುವಿಗೆ ನೀಡಲು ಸಾಕಷ್ಟು ಒಂಟೆ ಹಾಲು ಇರಲಿಲ್ಲ. ರಾಜಸ್ಥಾನದಿಂದ ನನಗೆ ಕ್ಯಾಮಲ್‌ ಹಾಲು ಅಥವಾ ಅದರ ಪುಡಿಯನ್ನು ಪಡೆಯಲು ಸಹಾಯ ಮಾಡಿ ಎಂದು ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.

  ಟ್ವೀಟ್‌ ನೋಡಿದ ನಂತರ, ರಾಜಸ್ಥಾನ ಮೂಲದ ಒಂಟೆ ಹಾಲಿನ ಉತ್ಪನ್ನಕಗಳ ಮೊದಲ ಬ್ರಾಂಡ್‌ ಅಡ್ವಿಕ್‌ ಫುಡ್ಸ್‌ ಅವರನ್ನು ಸಂಪರ್ಕಿಸಿದ ಬೋತ್ರಾ ಹಾಗೂ ದೇಶಾದ್ಯಂತದ ಜನರು ಟ್ವಿಟ್ಟರ್‌ನಲ್ಲಿ ಹಲವಾರು ಸಲಹೆಗಳನ್ನು ನೀಡಿದ್ದಾರೆ. ಕಂಪೆನಿಯು ಒಂಟೆ ಹಾಲಿನ ಪುಡಿಯನ್ನು ಮಗುವಿಗೆ ನೀಡಿತ್ತು. ಆದರೆ, ಹಾಲಿನ ಪುಡಿಯನ್ನು ಮುಂಬೈಗೆ ತಲುಪಿಸುವುದು ಸಮಸ್ಯೆಯಾಯಿತು. ಈ ಬಗ್ಗೆ ಬೋತ್ರಾ ಅವರ ಟ್ವೀಟ್‌ ಮಾಡಿದಾಗ ವಿಷಯ ತಿಳಿದಿದ್ದು, ಅಜ್ಮಿರ್‌, ಮಹೇಶ್‌ ಚಂದ್‌ ಜುವೆಲಿಯಾ ಅವರೊಂದಿಗೆ ನಾನು ಚರ್ಚೆ ನಡೆಸಿದೆ. ಬಳಿಕ ಒಂಟೆ ಹಾಲನ್ನು ಪಾರ್ಸೆಲ್‌ ಸರಕು ರೈಲಿನಲ್ಲಿ ಸಾಗಿಸುವ ವಿಚಾರವಾಗಿ ತೀರ್ಮಾನಿಸಿದೆವು. ರಾಜಸ್ಥಾನದ ಫಾಲಾ° ನಿಲ್ದಾಣದಲ್ಲಿ ಮುಂಬೈನ ಲುಧಿಯಾನ ಹಾಗೂ ಬಾಂದ್ರಾ ನಡುವೆ ಓಡುತ್ತಿರುವ ರೈಲು ಅನ್ನು ನಿಲ್ಲಿಸಲಾಯಿತು. ಆ ಸ್ಥಳದಲ್ಲಿ ನಿಗದಿತ ನಿಲುಗಡೆ ಇಲ್ಲವಾದರೂ, ಫಾಲಾ°ದಿಂದ ಪ್ಯಾಕೇಜ್‌ ಅನ್ನು ತೆಗೆದುಕೊಂಡು ಮುಂಬೈಯ ಮಹಿಳೆಗೆ ನೀಡಲಾಯಿತು ಎಂದು ಮುಖ್ಯ ಪ್ರಯಾಣಿಕರ ಸಂಚಾರ ನಾರ್ತ್‌ ವೆಸ್ಟರ್ನ್ ರೈಲ್ವೆ ವ್ಯವಸ್ಥಾಪಕ ತರುಣ್‌ ಜೈನ್‌ ಅವರು ಸುದ್ದಿ ಸಂಸ್ಥೆಯೊಂದಕ್ಕೆ ತಿಳಿಸಿದ್ದಾರೆ.

  ಪ್ರಾಧಿಕಾರದಿಂದ ಸೂಕ್ತವಾದ ಅನುಮತಿ ತೆಗೆದುಕೊಂಡ ಬಳಿಕ, ರೈಲನ್ನು ನಿಲ್ಲಿಸಿ ಬಾದ್ರಾದಲ್ಲಿ ಒಂಟೆಯ ಹಾಲನ್ನು ಮಹಿಳೆಗೆ ನೀಡಲಾಯಿತು. ನಮಗೆ ಭಾರತೀಯ ರೈಲ್ವೆಯಲ್ಲಿ ವಾಣಿಜ್ಯ ಲಾಭಗಳನ್ನು ನೋಡುವ ಸಮಯ ಇದಲ್ಲ. ಸಾಧ್ಯವಾದಷ್ಟು ರೀತಿಯಲ್ಲ ನಮಗೆ ಸಹಾಯ ಮಾಡಿಕೊಳ್ಳಲು ಕೇಳಿಕೊಳ್ಳಲಾಗಿದೆ. ದೇಶದ 18 ಜಿಲ್ಲೆಗಳ ಮೂಲಕ ನಮ್ಮ (ಎನ್‌ಡಬ್ಲ್ಯುಆ) ರೈಲುಗಳು ಚಲಿಸುತ್ತವೆ ಹಾಗೂ ನಾವು ಏನು ಬೇಕದರೂ ಮಾಡುತ್ತೇವೆ ಎಂದು ಜೈನ್‌ ಅವರು ಹೇಳಿದ್ದಾರೆ.

  ರಾತ್ರಿ ರೈಲಿನಲ್ಲಿ 20 ಲೀ. ಒಂಟೆ ಹಾಲು ಮುಂಬೈಗೆ ತಲುಪಿತು. ಒಂಟೆ ಹಾಲನ್ನು ಕುಟುಂಬವು ನಗರದ ಇನ್ನೊಬ್ಬ ನಿರ್ಗತಿಕ ವ್ಯಕ್ತಿಯೊಂದಿಗೆ ಹಂಚಿಕೊಂಡಿದೆ. ಕಂಟೈನರ್‌ ಅನ್ನಯ ತೆಗೆದುಕೊಳ್ಳಲು ನಿಗದಿತ ಸಮಯಾವಕಾಶ ನೀಡಿದ ಸಿಪಿಟಿಎಂ, ವಾಯುವ್ಯ ರೈಲ್ವೆಯ ಎಸ್‌. ತರುಣ್‌ ಜೈನ್‌ ಅವರಿಗೆ ಟ್ವೀಟ್‌ ಮೂಲಕ ಬೋತ್ರಾ ಅವರು ಧನ್ಯವಾದ ತಿಳಿಸಿದ್ದಾರೆ.