ಕೊರೊನಾ ದೊಡ್ಡ ಸವಾಲು, ಆದರೆ ಅವಕಾಶವೂ ಹೌದು - ರಾಹುಲ್‌ ಗಾಂಧಿ

•   Sat, Apr 18 2020 01:07:45 PM



• ನವದಹಲಿ, ಎ.18 (Daijiworld News/MB) : ವಿಶ್ವದಾದ್ಯಂತ ಜನರ ಆತಂಕಕ್ಕೆ ಕಾರಣವಾಗಿರುವ ಕೊರೊನಾ ವೈರಸ್ ಒಂದು ಸವಾಲು ಮಾತ್ರವಲ್ಲ, ಅದು ಅವಕಾಶ ಎಂದು ಕಾಂಗ್ರೆಸ್‌ ನಾಯಕ ರಾಹುಲ್ ಗಾಂಧಿ ಹೇಳಿದ್ದಾರೆ.

  

  ಈ ಕುರಿತಾಗಿ ಅವರು ಟ್ವೀಟ್‌ ಮಾಡಿದ್ದು ಕೊರೊನಾ ಸಾಂಕ್ರಾಮಿಕವು ಒಂದು ದೊಡ್ಡ ಸವಾಲು ಆದರೆ ಇದು ಅವಕಾಶವೂ ಹೌದು. ಈ ಬಿಕ್ಕಟ್ಟಿನ ವೇಳೆ ಅಗತ್ಯವಾಗಿರುವ ಹೊಸ ಪರಿಹಾರದ ಅನ್ವೇಷನೆಗಾಗಿ ನಾವು ಭಾರಿ ಸಂಖ್ಯೆಯ ವಿಜ್ಞಾನಿಗಳು, ಎಂಜಿನಿಯರ್‌ಗಳು, ಅಂಕಿ–ಅಂಶ ತ್ರಜ್ಞರನ್ನು ಒಟ್ಟುಗೂಡಿಸಬೇಕಾಗಿದೆ ಎಂದು ಹೇಳಿದ್ದಾರೆ.

  ಈ ಹಿಂದೆ ರಾಹುಲ್‌ ಗಾಂಧಿ ಕೊರೊನಾ ತಡೆಗಟ್ಟುವಲ್ಲಿ ಗಮನ ಹರಿಸಬೇಕು. ಹೆಚ್ಚು ಜನರ ಕೊರೊನಾ ಪರೀಕ್ಷೆ ತ್ವರಿತಗತಿಯಲ್ಲಿ ಆಗಬೇಕು. ಲಾಕ್‌ಡೌನ್‌ ಒಂದರಿಂದಲ್ಲೇ ಕೊರೊನಾ ತಡೆಗಟ್ಟಲು ಮಾರ್ಗವಲ್ಲ. ಅದು ವಿವಿಧ ಮಾರ್ಗಗಳಲ್ಲಿ ಒಂದು ಎಂದು ಹೇಳಿದ್ದರು.