ಮುಂಬೈನಲ್ಲಿ 30 ಕ್ಕೂ ಅಧಿಕ ಪತ್ರಕರ್ತರಿಗೆ ಕೊರೊನಾ ದೃಢ

•   Mon, Apr 20 2020 04:57:22 PM



• ಮುಂಬೈ, ಎ.20 (Daijiworld News/MB) : ಕೊರೊನಾ ವೈರಸ್‌ನ ಅಧಿಕ ಪ್ರಕರಣಗಳು ಮಹಾರಾಷ್ಟ್ರದಲ್ಲಿ ದಾಖಲಾಗಿದ್ದು ಇದೀಗ 30 ಕ್ಕೂ ಅಧಿಕ ಪತ್ರಕರ್ತರಿಗೂ ಕೂಡಾ ಕೊರೊನಾ ವೈರಸ್‌ ತಗುಲಿರುವುದಾಗಿ ವರದಿಯಾಗಿದೆ.

  

  ಸುದ್ದಿ ವಾಹಿನಿಯ ವರದಿಗಾರರು, ಕ್ಯಾಮೆರಾಮ್ಯಾನ್‌ಗಳು, ವಾಹಿನಿಯ ಕ್ಯಾಬ್‌ ಚಾಲಕರು ಸೇರಿದಂತೆ ಒಟ್ಟು 170 ಜನರ ಕೊರೊನಾ ವೈರಸ್‌ ತಪಾಸಣೆ ಮಾಡಲಾಗಿದ್ದು ಈ ಪೈಕಿ 30 ಕ್ಕೂ ಅಧಿಕ ಜನರಲ್ಲಿ ಕೊರೊನಾ ಇರವುದು ದೃಢಪಟ್ಟಿದೆ ವರದಿ ತಿಳಿಸಿದೆ.

  ಸುಮಾರು 50 ಜನರಿಗೆ ಕೊರೊನಾ ದೃಢಪಡುವ ಸಾಧ್ಯತೆಗಳು ಇದೆ ಎಂದು ಹೇಳಲಾಗಿದೆ.

  ಈ ಕುರಿತಾಗಿ ಪತ್ರಕರ್ತ ಅಶೋಕ್‌ ಭಾರ್ಗಿಯ ಟ್ವೀಟ್‌ ಮಾಡಿದ್ದು ಸುದ್ದಿ ವಾಹಿನಿಯ ಎಲ್ಲಾ ವರದಿಗಾರರಿಗೂ ಕೊರೊನಾ ಪಾಸಿಟಿವ್‌ ವರದಿ ಬಂದಿದೆ ಎಂದು ಹೇಳಿದ್ದು ಇನ್ನು ಕೆಲವು ವರದಿಗಳು ಹಲವು ಜನರಿಗೆ ಕೊರೊನಾ ದೃಢಪಟ್ಟಿದೆ ಎಂದು ತಿಳಿಸಿದೆ.

  ಇನ್ನು ಚೆನ್ನೈನಲ್ಲಿ ಇಬ್ಬರು ಪತ್ರಕರ್ತರಿಗೆ ಕೊರೊನಾ ಪಾಸಿಟಿವ್‌ ವರದಿ ಬಂದಿದ್ದು ಮಧ್ಯಪ್ರದೇಶದ ಬೋಪಾಲ್‌ನಲ್ಲಿ ಓರ್ವ ಪತ್ರಕರ್ತನಿಗೆ ಕೊರೊನಾ ದೃಢಪಟ್ಟಿದೆ.

  The entire team of reporters of a TV channel in Mumbai have tested #COVID positive.
  
  Around 170 journalists have been tested by BMC. (Reporters, Video Journalists, photographers)
  
  Results still coming in.#Dharavi #CoronaInMumbai #Corona

  — ashok bagriya (@ashokbagriya10) April 20, 2020