ಕರ್ನಾಟಕ ಯಕ್ಷಗಾನ ಅಕಾಡೆಮಿಯಿಂದ ಕಲಾವಿದರಿಗೆ ಆರ್ಥಿಕ ಸಹಾಯ

•   Thu, Apr 23 2020 05:54:30 PM



• ಬೆಂಗಳೂರು, ಏ 23 (Daijiworld News/MSP): ಕೋವಿಡ್ -19 ರಿಂದ ಆರ್ಥಿಕವಾಗಿ ಸಂಕಷ್ಟದಲ್ಲಿರುವ ಕಲಾವಿದರಿಗೆ ಕರ್ನಾಟಕ ಯಕ್ಷಗಾನ ಅಕಾಡೆಮಿಯಿಂದ ಆರ್ಥಿಕ ಸಹಾಯ ನೀಡಲಾಗುವುದು. ಹೀಗಾಗಿ ಆರ್ಥಿಕ ಸಹಾಯದ ಅನಿವಾರ್ಯತೆ ಇದ್ದವರು ಅಕಾಡೆಮಿಗೆ ತಮ್ಮ ಮಾಹಿತಿಯನ್ನು ಹಂಚಿಕೊಳ್ಳಬಹುದೆಂದು ಪ್ರಕಟನೆ ತಿಳಿಸಿದೆ

  

  ಪಡುವಲಪಾಯ ಯಕ್ಷಗಾನ(ಕರಾವಳಿ)ದ ತೆಂಕುತಿಟ್ಟು, ಬಡಗುತಿಟ್ಟು, ಬಡಾಬಡಗುತಿಟ್ಟು, ಯಕ್ಷಗಾನ ಬೊಂಬೆಯಾಟದ ಕಲಾವಿದರು ಹಾಗೂ ಮೂಲಕಪಾಯ ಯಕ್ಷಗಾನ, ಘಟ್ಟದಕೊರೆ ಕೇಳಿಕೆ ಪ್ರಕಾರದ ಕಲಾವಿದರು ತಮ್ಮ ಹೆಸರು, ಬ್ಯಾಂಕ್ ಖಾತೆ ಸಂಖ್ಯೆ, ಆಧಾರ ಸಂಖ್ಯೆ, ದೂರವಾಣಿ ಸಂಖ್ಯೆ, ಇತ್ಯಾದಿ ಮಾಹಿತಿಯನ್ನು ಕರ್ನಾಟಕ ಯಕ್ಷಗಾನ ಅಕಾಡೆಮಿಯ kybabangalore@gmail.com ವಿಳಾಸಕ್ಕೆ ಅಥವಾ ಅಕಾಡೆಮಿ ಅಧ್ಯಕ್ಷರ ಮೊಬೈಲ್ ಸಂಖ್ಯೆ 9901141090 ಹಾಗೂ ರಿಜಿಸ್ಟ್ರಾರ್ ಮೊಬೈಲ್ ಸಂಖ್ಯೆಗಳಿಗೆ ವಾಟ್ಸ್‌ಆಪ್‌ ಮೂಲಕ ಅಥವಾ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ, ಜಿಲ್ಲಾ ಕಚೇರಿಗಳಿಗೆ ಏಪ್ರಿಲ್ 27 ರ ಒಳಗಾಗಿ ವಿವರಗಳನ್ನು ಸಲ್ಲಿಸಲು ತಿಳಿಸಲಾಗಿದೆ