ಇಂದು ಬೆಳಿಗ್ಗೆ 11 ಗಂಟೆಗೆ ಪ್ರಧಾನಿ ಮೋದಿ 'ಮನ್‌ ಕಿ ಬಾತ್'‌ ಕಾರ್ಯಕ್ರಮ

•   Sun, Apr 26 2020 10:20:01 AM



• ನವದೆಹಲಿ, ಎ.26 (Daijiworld News/MB) : ಪ್ರಧಾನಿ ನರೇಂದ್ರ ಮೋದಿಯವರ ಪ್ರತಿ ತಿಂಗಳ ಕಾರ್ಯಕ್ರಮ 'ಮನ್‌ ಕಿ ಬಾತ್'‌ ಇಂದು ಬೆಳಿಗ್ಗೆ 11 ಗಂಟೆಗೆ ನಡೆಯಲಿದ್ದು ಪ್ರಧಾನಿ ದೇಶವನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.

  

  ಶನಿವಾರ ಈ ಬಗ್ಗೆ ಟ್ವೀಟ್‌ ಮಾಡಿರುವ ಪ್ರಧಾನಿ ಮೋದಿಯವರು ಈ ಬಾರಿಯ 64ನೇ ಕಂತಿನ 'ಮನ್‌ ಕಿ ಬಾತ್'‌ ಕಾರ್ಯಕ್ರಮದಲ್ಲಿ ಕೆಲವೊಂದು ಸೂಕ್ಷ್ಮ ವಿಚಾರಗಳ ಕುರಿತಾಗಿ ಮಾತನಾಡಲಿದ್ದೇನೆ ಎಂದು ತಿಳಿಸಿದ್ದಾರೆ.

  ಆಕಾಶವಾಣಿಯ ಎಲ್ಲ ಕೇಂದ್ರಗಳಲ್ಲಿ, ದೂರದರ್ಶನ ಮತ್ತು ಅದರ ಜಾಲತಾಣ​, ನ್ಯೂಸ್​​ ಆನ್‌ ಎಐಆರ್​ ಆ್ಯಪ್​​ನಲ್ಲೂ 'ಮನ್ ಕಿ ಬಾತ್' ಕಾರ್ಯಕ್ರಮವನ್ನು ಕೇಳಬಹುದಾಗಿದೆ.

  ಕಳೆದ ತಿಂಗಳ 63ನೇ ಕಾರ್ಯಕ್ರಮದಲ್ಲಿ ಮೋದಿ ಹೆಚ್ಚಾಗಿ ಕೊರೊನಾ ವೈರಸ್‌ನ ಪರಿಣಾಮ ಮತ್ತು ದೇಶದ ಪರಿಸ್ಥಿತಿ ಕುರಿತಾಗಿಯೇ ಮಾತನಾಡಿದ್ದರು.

  Have been getting several insightful inputs for this month's #MannKiBaat. Do tune at 11 AM tomorrow. pic.twitter.com/bwPKfiXOYC

  — Narendra Modi (@narendramodi) April 25, 2020