ಕೊರೊನಾ ವೈದ್ಯೆಗೆ ಅಭೂತಪೂರ್ವ ಸ್ವಾಗತ - ವಿಡಿಯೋ ಶೇರ್‌ ಮಾಡಿ ಶ್ಲಾಘಿಸಿದ ಪ್ರಧಾನಿ ಮೋದಿ

•   Fri, May 01 2020 11:48:13 AM



• ನವದೆಹಲಿ, ಮೇ.01 (DaijiworldNews/PY) : ಕೊರೊನಾ ಸೋಂಕಿತರಿಗೆ ಐಸಿಯುನಲ್ಲಿ ಚಿಕಿತ್ಸೆ ನೀಡುತ್ತಿರುವ ವೈದ್ಯೆಯೊಬ್ಬರು ಮನೆಗೆ ಮರಳಿದ ಸಂದರ್ಭ ದೊರೆತ ಸ್ವಾಗತದ ಮನ ಮಿಡಿಯುವ ವಿಡಿಯೋವೊಂದನ್ನು ಪ್ರಧಾನಿ ಮೋದಿ ಅವರು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

  

  ಕೊರೊನಾ ಆಸ್ಪತ್ರೆಯೊಂದರಲ್ಲಿ ಐಸಿಯುನಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ವೈದ್ಯೆ ನಿರಂತರ 20 ದಿನಗಳ ಕಾಲ ಕಾರ್ಯನಿರ್ವಹಿಸಿ ಮನೆಗೆ ಮರಳಿದ ಸಂದರ್ಭ ಅವರಿಗೆ ಅವರ ಕುಟುಂಬದವರು ಹಾಗೂ ನೆರಹೊರೆಯವರು ಸ್ವಾಗತ ಕೋರಿದ್ದಾರೆ. ಇದನ್ನು ಚಂಡೀಗಡದ ಬಿಜೆಪಿ ಕಾರ್ಯದರ್ಶಿ ದೀಪಕ್‌ ಮಲ್ಹೋತ್ರಾ #HeartTouching’ ಎಂದು ಟ್ವೀಟ್‌ ಮಾಡಿದ್ದರು.

  ಈ ವಿಡಿಯೋವನ್ನು ಶೇರ್‌ ಮಾಡಿರುವ ಪ್ರಧಾನಿ ಮೋದಿ ಅವರು, ಇಂತಹ ಕ್ಷಣಗಳು ಮನಸ್ಸಿಗೆ ಸಂತೋಷ ನೀಡುತ್ತವೆ. ಇದು ಭಾರತದ ಸ್ಫೂರ್ತಿ. ನಾವು ಧೈರ್ಯದಿಂದ ಕೊರೊನಾ ವಿರುದ್ದ ಹೋರಾಡುತ್ತೇವೆ. ಮುಂಚೂಣಿಯಲ್ಲಿ ನಿಂತು ಕಾರ್ಯನಿರ್ವಹಿಸುತ್ತಿರುವವರ ಬಗ್ಗೆ ನಾವು ಹೆಮ್ಮೆಪಡುತ್ತೇವೆ ಎಂದು ಟ್ವಿಟ್‌ನಲ್ಲಿ ಬರೆದಿದ್ದಾರೆ.

  Moments like this fill the heart with happiness.
  
  This is the spirit of India.
  
  We will courageously fight COVID-19.
  
  We will remain eternally proud of those working on the frontline. https://t.co/5amb5nkikS

  — Narendra Modi (@narendramodi) April 30, 2020