ಲಾಕ್‌ಡೌನ್‌ ಮಧ್ಯೆಯೂ ರೌಡ್‌ಶೀಟರ್‌ ಓರ್ವನ ಬರ್ಬರ ಕೊಲೆ

•   Sun, May 03 2020 09:29:56 AM



• ಬೆಂಗಳೂರು, ಮೇ 03 (Daijiworld News/MB) : ಲಾಕ್‌ಡೌನ್‌ ಮಧ್ಯೆಯೂ ಹಳೇ ದ್ವೇಷದಿಂದ ರೌಡಿಶೀಟರ್ ಒಬ್ಬನನ್ನು ಆತನ ಮನೆಯ ಬಳಿಯೇ ಬರ್ಬರವಾಗಿ ಮಾರಕಾಸ್ತ್ರಗಳಿಂದ ಕೊಲೆ ಮಾಡಿರುವ ಶನಿವಾರ ರಾತ್ರಿ ಕೆ.ಜಿ.ಹಳ್ಳಿಯಲ್ಲಿ ನಡೆದಿದೆ.

  

  ಮೃತ ರೌಡಿಶೀಟರ್‌ ಕೆ.ಜಿ.ಹಳ್ಳಿಯ ನ್ಯೂ ಬಾಗಲೂರು ಲೇಔಟ್ ನಿವಾಸಿ ಬುಜ್ಜು (30) ಎಂದು ಗುರುತಿಸಲಾಗಿದೆ.

  ಆರೋಪಿಗಳು ಬುಜ್ಜು ಮನೆ ಬಳಿಯೇ ಮಾರಕಾಸ್ತ್ರಗಳಿಂದ ಕೊಚ್ಚಿ ಹತ್ಯೆಗೈದಿದ್ದು ಅಲ್ಲಿಂದ ಪರಾರಿಯಾಗಿದ್ದಾರೆ.

  ಹತ್ಯೆಯಾದ ರೌಡಿಶೀಟರ್ ಬುಜ್ಜು, ಈ ಮೊದಲು ಡ್ಯಾನಿಯಲ್ ಸಂಬಂಧಿ ಸ್ಟಾಲಿನ್ ಹತ್ಯೆಯಲ್ಲಿ ಭಾಗಿಯಾಗಿದ್ದು ಸ್ಟಾಲಿನ್‌ ಕಡೆಯವರು ಬುಜ್ಜು ಸಹೋದರ ವಿನೋದ್‌ನನ್ನು ಹತ್ಯೆಗೈದಿದ್ದರು. ಆ ಬಳಿಕ ಇಬ್ಬರು ಸಂಧಾನ ಮಾಡಿಕೊಂಡಿದ್ದು ಇದೀಗ ಬುಜ್ಜು ಹತ್ಯೆಯಾಗಿದೆ.

  ಈ ಕುರಿತು ಕೆ.ಜಿ.ಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.