ದೇಶದಲ್ಲಿ ಸೋಂಕಿತರ ಸಂಖ್ಯೆ 46,433 ಕ್ಕೆ ಏರಿಕೆ - 1,568 ಮಂದಿ ಕೊರೊನಾಗೆ ಬಲಿ

•   Tue, May 05 2020 09:37:46 AM



• ನವದೆಹಲಿ, ಮೇ 05 (Daijiworld News/MB) : ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಲ್ಲೇ ಇದ್ದು ಒಂದೇ ದಿನದಲ್ಲಿ 2,573 ಮಂದಿಯಲ್ಲಿ ಕೊರೊನಾ ದೃಢಪಟ್ಟಿದೆ. ಒಟ್ಟಾರೆಯಾಗಿ ಕೊರೊನಾ ಸೋಂಕಿತರ ಸಂಖ್ಯೆ 46433 ಕ್ಕೆ ಏರಿಕೆಯಾಗಿದ್ದು ಈವರೆಗೆ 1568 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ. 12727 ಮಂದಿ ಗುಣಮುಖರಾಗಿದ್ದಾರೆ.

  

  ದೇಶದಲ್ಲಿ ಅತೀ ಹೆಚ್ಚು ಪ್ರಕರಣಗಳು ದಾಖಲಾಗಿರುವ ಮಹಾರಾಷ್ಟ್ರದಲ್ಲಿ 14541 ಮಂದಿಗೆ ಕೊರೊನಾ ಸೋಂಕು ತಗುಲಿದ್ದು 583 ಮೃತಪಟ್ಟರೆ 2465 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಇನ್ನು ಕರ್ನಾಟಕದಲ್ಲಿ 651 ಪ್ರಕರಣಗಳು ದಾಖಲಾಗಿದ್ದು 27 ಮಂದಿ ಸಾವನ್ನಪ್ಪಿದ್ದು 321 ಮಂದಿ ಗುಣಮುಖರಾಗಿದ್ದಾರೆ.

  ಗುಜರಾತ್‌ನಲ್ಲಿ 5804, ದೆಹಲಿಯಲ್ಲಿ 4898 ಪ್ರಕರಣಗಳು, ತಮಿಳುನಾಡಿನಲ್ಲಿ 3550 ಪ್ರಕರಣಗಳು, ರಾಜಸ್ಥಾನದಲ್ಲಿ 3061 ಪ್ರಕರಣಗಳು, ಮಧ್ಯಪ್ರದೇಶದಲ್ಲಿ 2942 ಆಂಧ್ರ ಪ್ರದೇಶದಲ್ಲಿ 1650 ಪ್ರಕರಣ, ತೆಲಂಗಾಣದಲ್ಲಿ 1085 ಪ್ರಕರಣಗಳು, ಉತ್ತರ ಪ್ರದೇಶದಲ್ಲಿ 2766, ಕೇರಳ 500 ಪ್ರಕರಣಗಳು, ಜಮ್ಮು ಕಾಶ್ಮೀರದಲ್ಲಿ 726 ಪ್ರಕರಣಗಳು, ಪಶ್ಚಿಮ ಬಂಗಾಳದಲ್ಲಿ 1259 ಪ್ರಕರಣಗಳು ದಾಖಲಾಗಿದೆ.