ವಾಯುಪಡೆಗೆ ಸೇರಿದ ಮಿಗ್ -29 ವಿಮಾನ ಪತನ - ಪೈಲೆಟ್ ಪ್ರಾಣಾಪಾಯದಿಂದ ಪಾರು

•   Fri, May 08 2020 01:19:30 PM



• ನವದೆಹಲಿ, ಮೇ 08 (Daijiworld News/MSP): ಭಾರತೀಯ ವಾಯುಪಡೆಗೆ ಸೇರಿದ ಮಿಗ್ -29 ವಿಮಾನ ಇಂದು ಪತನಗೊಂಡಿದ್ದು, ವಿಮಾನದಲ್ಲಿದ್ದ ಪೈಲೆಟ್ ಅದೃ ಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

  

  ಪಂಜಾಬ್ ನ ಜಲಂಧರ್ ಬಳಿಯ ವಾಯುಪಡೆಯ ನೆಲೆಯಿಂದ ತರಬೇತಿ ಕಾರ್ಯಾಚರಣೆಯಲ್ಲಿ ಮಿಗ್ -29 ವಿಮಾನ ಅಪಘಾತಕ್ಕೀಡಾಗಿದೆ ಎಂದು ಭಾರತೀಯ ವಾಯುಪಡೆಯ (ಐಎಎಫ್) ಅಧಿಕಾರಿಗಳು ಶುಕ್ರವಾರ ತಿಳಿಸಿದ್ದಾರೆ . ಪೈಲಟ್‌ನನ್ನು ಹೆಲಿಕಾಪ್ಟರ್ ಮೂಲಕ ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  2020 ರಲ್ಲಿ ಯುದ್ಧ ವಿಮಾನದ ಮೊದಲ ಅಪಘಾತ ಇದಾಗಿದೆ. ನವಾನ್‌ಶಹರ್‌ ಜಿಲ್ಲೆಯ ಚುಹಾರ್‌ಪುರ ಗ್ರಾಮದ ಫೈಟರ್ ಪ್ಲೇನ್ ಇಂದು ಅಪಘಾತಕ್ಕೀಡಾಗಿದೆ. ಪೈಲಟ್ ಸುರಕ್ಷಿತವಾಗಿದ್ದು, ಹತ್ತಿರದ ಹೋಶಿಯಾರ್‌ಪುರದ ಸಮುಂದ್ರ ಗ್ರಾಮಕ್ಕೆ ಕರೆದೊಯ್ಯಲಾಗಿದೆ ಎಂದು ಪಂಜಾಬ್ ಸರ್ಕಾರ ಟ್ವೀಟ್ ಮಾಡಿದೆ.

  ಘಟನೆ ಹಿನ್ನೆಲೆಯಲ್ಲಿ ಸ್ಥಳದಲ್ಲಿ ಆತಂಕ ನಿರ್ಮಾಣವಾಗಿದ್ದು, ಭಾರತೀಯ ವಾಯುಪಡೆ ಘಟನೆ ಕುರಿತು ತನಿಖೆಗೆ ಆದೇಶಿಸಿದೆ.