ಬೆಂಗಳೂರು: ಶುಶ್ರೂಷಕರ ಸೇವೆ ಬೆಲೆ ಕಟ್ಟಲಸಾಧ್ಯವಾದುದು-ಸಿಎಂ

•   Tue, May 12 2020 09:21:52 PM



• ಬೆಂಗಳೂರು, ಮೇ 12 (DaijiworldNews/SM): ಕೋವಿಡ್ - 19 ಸೋಂಕು ನಿಯಂತ್ರಣದಲ್ಲಿ ಶುಶ್ರೂಷಕರ ಸೇವೆ ಅಮೂಲ್ಯವಾಗಿದೆ. ದಿನ ರಾತ್ರಿ ಎನ್ನದೆ ನಡೆಸುತ್ತಿರುವ ಅವರ ಹೋರಾಟದಿಂದ ಸೋಂಕು ನಿಯಂತ್ರಿಸಲು ಸಾಧ್ಯವಾಗುತ್ತದೆ ಎಂದು ಸಿಎಂ ಬಿಎಸ್ ಯಡಿಯೂರಪ್ಪ ತಿಳಿಸಿದ್ದಾರೆ.

  

  ಪ್ರಸ್ತುತ ಕರ್ನಾಟಕದಲ್ಲಿ 18 ಸರ್ಕಾರಿ ಸೇರಿ ಒಟ್ಟು 762 ಶುಶ್ರೂಷಾ ಶಾಲೆಗಳಿವೆ. ಇವುಗಳಲ್ಲಿ ಒಟ್ಟು 30,040 ವಿದ್ಯಾರ್ಥಿಗಳು ತರಬೇತಿ ಪಡೆಯುತ್ತಿದ್ದಾರೆ. ರಾಜ್ಯ ಶುಶ್ರೂಷಾ ಮಂಡಳಿಯಲ್ಲಿ ಒಟ್ಟು 3,63,112 ಶುಶ್ರೂಷಕರು ನೋಂದಾಯಿಸಿಕೊಂಡಿದ್ದಾರೆ. ಎರಡು ಲಕ್ಷ ಶುಶ್ರೂಷಕರು ವಿವಿಧ ಇಲಾಖೆ, ಕಾಲೇಜು ಹಾಗೂ ಆಸ್ಪತ್ರೆಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಯಡಿಯೂರಪ್ಪ ಹೇಳಿದ್ದಾರೆ.