ಜೂ.1ರಿಂದ ರೈಲು ಸೇವೆ - ಎರಡೇ ಗಂಟೆಯಲ್ಲಿ 1.5 ಲಕ್ಷ ಟಿಕೆಟ್ ಬುಕ್ಕಿಂಗ್

•   Thu, May 21 2020 03:37:59 PM



• ಬೆಂಗಳೂರು, ಮೇ 21 (Daijiworld News/MSP): ಕೊರೊನಾ ವೈರಸ್ ಹರಡಂತೆ ವಿಧಿಸಲಾಗಿರುವ ಲಾಕ್ ಡೌನ್ ನಿಂದ ಸ್ಥಗಿತಗೊಳಿಸಲಾಗಿದ್ದ ರೈಲು ರೈಲು ಸೇವೆಯನ್ನು ಈಗ ಜೂನ್ 1ರಿಂದ ಆರಂಭಿಸಲಾಗುತ್ತಿದ್ದು, ಬುಕ್ಕಿಂಗ್ ಆರಂಭಿಸಿಲಾಗಿದೆ.

  

  ಶ್ರಮಿಕ ರೈಲುಗಳ ಹೊರತಾಗಿ ಹೆಚ್ಚುವರಿ ಜೂ.1 ರಿಂದ 200 ರೈಲುಗಳ ಓಡಲಿದ್ದು, ಬುಕ್ಕಿಂಗ್ ಪ್ರಕ್ರಿಯೆ ಆರಂಭವಾದ ಮೊದಲ ಎರಡು ಗಂಟೆಯಲ್ಲಿ ಸುಮಾರು 1.5 ಲಕ್ಷ ಟಿಕೆಟ್ ಬುಕ್ಕಿಂಗ್ ಆಗಿದೆ.

  ಬೆಳಿಗ್ಗೆ 10 ಗಂಟೆಗೆ ಬುಕಿಂಗ್ ಪ್ರಾರಂಭವಾಗಿದ್ದು ಮಧ್ಯಾಹ ೧೨ ಗಂಟೆಯ ಒಳಗೆ 1,49,025 ಟಿಕೆಟ್‌ಗಳನ್ನು ಬುಕ್ಕಿಂಗ್ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  ಜೂ .೧ ರಿಂದ ಓಡಾಡುವ ರೈಲುಗಳ ಪೈಕಿ, ಮುಂಬಯಿ ಸಿಎಸ್‌ಟಿಯಿಂದ ಗದಗ, ಮುಂಬಯಿ ಸಿಎಸ್‌ಟಿಯಿಂದ ಕೆಎಸ್‌ಆರ್ ಬೆಂಗಳೂರು, ದಾಣಾಪುರದಿಂದ ಕೆಎಸ್‌ಆರ್ ಬೆಂಗಳೂರು, ಹೌರಾದಿಂದ ಯಶವಂತಪುರ ವರಗೆ ದುರಂತೊ, ಬೆಂಗಳೂರಿನಿಂದ ಹುಬ್ಬಳ್ಳಿ ಮತ್ತು ಯಶವಂತಪುರದಿಂದ ಶಿವಮೊಗ್ಗ ಗಮ್ಯಸ್ಥಾನಗಳಿಗೆ ಜನಶತಾಬ್ದಿ ರೈಲು ಸೇವೆಗಳು ಸೇರಿವೆ.