ಭಾರತಕ್ಕೆ ಅಮೆರಿಕದಿಂದ ಆಗಮಿಸಿದ 73 ಜನರ ಪೈಕಿ 21 ಮಂದಿ ಕೊರೊನಾ ಸೋಂಕಿತರು

•   Sun, May 24 2020 08:22:39 AM



• ಹರಿಯಾಣ, ಮೇ 24 (DaijiworldNews/PY) : ಭಾರತಕ್ಕೆ ಅಮೆರಿಕದಿಂದ ಮೇ 19 ರಂದು ಆಗಮಿಸಿದ್ದ 73 ಜನರ ಪೈಕಿ 21 ಮಂದಿ ಕೊರೊನಾ ಸೋಂಕಿತರು ಎಂದು ದೃಢಪಟ್ಟಿದೆ.

  

  ಮೇ 19ರಂದು ಹರಿಯಾಣದ ಪಂಚಕುಲಕ್ಕೆ ಅಮೆರಿಕದಿಂದ 73 ಜನರು ವಿಮಾನದ ಮೂಲಕ ಆಗಮಿಸಿದ್ದು, ಅವರನ್ನು ಕೊರನಾ ಪರೀಕ್ಷೆಗೆ ಒಳಪಡಿಸಲಾಗಿತ್ತು. 73 ಜನರ ಪೈಕಿ 21 ಜನರು ಕೊರೊನಾ ಸೋಂಕಿತರೆಂದು ಪಂಚಕುಲದ ಮುಖ್ಯ ಆರೋಗ್ಯ ಅಧಿಕಾರಿ ಡಾ. ಜಸ್‌ಜೀತ್‌ ಕೌರ್‌ ತಿಳಿಸಿದ್ದಾರೆ.

  ಈ ವಿಚಾರದ ಬಗ್ಗೆ ಮಾತನಾಡಿರುವ ಅವರು, ಅಮೆರಿಕದಿಂದ ಪಂಚಕುಲಕ್ಕೆ ಮೇ 19ರಂದು 73 ಜನರು ಆಗಮಿಸಿದ್ದರು. ಈ ಪೈಕಿ 21 ಮಂದಿಗೆ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ. ಕೊರೊನಾ ಸೋಂಕಿತರು ಪಂಚಕುಲಕ್ಕೆ ಸೇರಿದವರಾಗಿಲ್ಲ. ಅವರು ಹರಿಯಾಣದ ಬೇರೆ ಬೇರೆ ಜಿಲ್ಲೆಗಳ ನಿವಾಸಿಗಳು. ಎರಡು ಪ್ರಕರಗಳ ವರದಿ ಇನ್ನು ಬರಬೇಕಿದೆ ಎಂದು ಹೇಳಿದ್ದಾರೆ.