ದೇಶಾದ್ಯಂತ ಕಳೆದ 24 ಗಂಟೆಯಲ್ಲಿ 6,767 ಮಂದಿಗೆ ಕೊರೊನಾ ಸೋಂಕು, 147 ಮಂದಿ ಸಾವು

•   Sun, May 24 2020 10:19:16 AM



• ನವದೆಹಲಿ, ಮೇ 24 (DaijiworldNews/PY) : ದೇಶಾದ್ಯಂತ ಒಂದೇ ದಿನ 6,767 ಮಂದಿಗೆ ಕೊರೊನಾ ಸೋಂಕು ತಗುಲಿದ್ದು ದೃಢಪಟ್ಟಿದ್ದು, ಸೋಂಕಿನಿಂದ 147 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಭಾನುವಾರ ಬೆಳಗ್ಗೆ ತಿಳಿಸಿದೆ.

  

  ದೇಶದಲ್ಲಿ ಸೋಂಕಿತರ ಸಂಖ್ಯೆ 1,31,868ಕ್ಕೆ ಏರಿಕೆಯಾಗಿದೆ. ಇಲ್ಲಿಯವರೆಗೆ ಸೋಂಕಿನಿಂದಾಗಿ 3,867 ಮಂದಿ ಮೃತಪಟ್ಟಿದ್ದು, 54,440 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ವಿವಿಧ ಆಸ್ಪತ್ರೆಗಳಲ್ಲಿ ಸುಮಾರು 73,560 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

  ಗುಜರಾತ್‌ನಲ್ಲಿ 13,664 ಹಾಗೂ ದೆಹಲಿಯಲ್ಲಿ 12,910 ಮಂದಿ ಕೊರೊನಾ ಸೋಂಕಿತರಾಗಿದ್ದು, ಈ ಎರಡೂ ಜಿಲ್ಲೆಯಲ್ಲಿ ಕ್ರಮವಾಗಿ 829 ಹಾಗೂ 231 ಮಂದಿ ಸಾವನ್ನಪ್ಪಿದ್ದಾರೆ. ಇನ್ನು ಮಹಾರಾಷ್ಟ್ರದಲ್ಲಿ ಈವರೆಗೆ 47,190 ಜನರಿಗೆ ಸೋಂಕು ತಗುಲಿದ್ದು, 1,577 ಮಂದಿ ಸಾವನ್ನಪ್ಪಿದ್ದಾರೆ. ತಮಿಳುನಾಡಿನಲ್ಲಿ 15,512 ಜನರಿಗೆ ಸೋಂಕು ತಗುಲಿದ್ದು, ಈ ಪೈಕಿ 103 ಜನ ಮೃತಪಟ್ಟಿದ್ದಾರೆ.