ಸಾಮಾನ್ಯ ರೈಲು ಸಂಚಾರಕ್ಕೆ ವಿರೋಧಿಸಿದ ರಾಜ್ಯಗಳು

•   Fri, May 29 2020 09:38:06 AM



• ನವದೆಹಲಿ, ಮೇ 29 (DaijiworldNews/PY) : ವಲಸೆ ಕಾರ್ಮಿಕರನ್ನು ಅವರ ರಾಜ್ಯಗಳಿಗೆ ಮರಳಿಸುವ ಸಲುವಾಗಿ ಶ್ರಮಿಕ್ ವಿಶೇಷ ರೈಲುಗಳನ್ನು ಓಡಿಸುವುದಕ್ಕೆ ಅಭ್ಯಂತರವಿಲ್ಲ. ಆದರೆ ಪ್ಯಾಸೆಂಜರ್ ರೈಲುಗಳ ಭಾಗಶಃ ಪುನರಾರಂಭಕ್ಕೆ ಸಮ್ಮತಿ ಇಲ್ಲ ಎಂದು ರಾಜ್ಯಗಳು ಹೇಳಿವೆ.

  

  ಸಾಂದರ್ಭಿಕ ಚಿತ್ರ

  ಕನಿಷ್ಠ ಒಂದು ತಿಂಗಳವರೆಗೆ ಸಾಮಾನ್ಯ ರೈಲು ಸಂಚಾರ ಭಾಗಶಃ ಪುನರಾರಂಭವನ್ನು ತಡೆಹಿಡಿಯುವಂತೆ ಪಶ್ಚಿಮ ಬಂಗಾಳ, ಛತ್ತೀಸಗಡ, ಬಿಹಾರ, ರಾಜಸ್ಥಾನ ಹಾಗೂ ಒಡಿಶಾ ಮನವಿ ಮಾಡಿವೆ.

  ವಲಸೆ ಕಾರ್ಮಿಕರು ಅನೇಕ ರಾಜ್ಯಗಳಿಂದ ವಾಪಾಸ್ಸಾಗಿರುವುದು ರಾಜ್ಯಗಳಲ್ಲಿ ಕೊರೊನಾ ಪ್ರಕರಣ ಜಾಸ್ತಿಯಾಗಲು ಕಾರಣವಾಗಿದೆ. ರಾಜ್ಯಗಳಿಗೆ ಕೊರೊನಾ ಸೋಂಕಿತರ ಚಿಕಿತ್ಸೆ ಹಾಗೂ ಸೋಂಕು ಪತ್ತೆ ಪರೀಕ್ಷೆ ನಡೆಸುವುದು ಸವಾಲಾಗಿ ಪರಿಣಮಿಸಿದೆ. ಈಗಾಗಲೇ ಹೆಚ್ಚಿನ ಸಂಖ್ಯೆಯಲ್ಲಿ ವಲಸೆ ಕಾರ್ಮಿಕರು ಕ್ವಾರಂಟೈನ್ ಕೇಂದ್ರಗಳಲ್ಲಿದ್ದಾರೆ. ಈ ಸಮಯದಲ್ಲಿ ಸಾಮಾನ್ಯ ರೈಲುಗಳ ಓಡಾಟವೂ ಪ್ರಾರಂಭವಾದರೆ ವೈದ್ಯಕೀಯ ಕ್ಷೇತ್ರದ ಮೇಲೆ ಮತ್ತಷ್ಟು ಒತ್ತಡ ಸೃಷ್ಠಿಯಾಗಲಿದೆ ಎಂದು ಕೇಂದ್ರ ಸರ್ಕಾರಕ್ಕೆ ರಾಜ್ಯ ಸರ್ಕಾರಗಳು ತಿಳಿಸಿವೆ.