ಒಂದು ದಿನದಲ್ಲೇ ದೇಶದಲ್ಲಿ 7,964 ಹೊಸ ಕೊರೊನಾ ಪ್ರಕಣಗಳು ಪತ್ತೆ - 265 ಮಂದಿ ಸಾವು

•   Sat, May 30 2020 10:42:26 AM



• ನವದೆಹಲಿ, ಮೇ 30 (Daijiworld News/MB) : ದೇಶದಲ್ಲಿ ಒಂದೇ ದಿನದಲ್ಲಿ 7,964 ಹೊಸ ಕೊರೊನಾ ಪ್ರಕಣಗಳು ದಾಖಲಾಗಿದ್ದು 265 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ.

  

  ದೇಶದಲ್ಲಿ ಈವರೆಗೆ 1,73,763 ಜನರಿಗೆ ಕೊರೊನಾ ಸೋಂಕು ತಗುಲಿದ್ದು ಈ ಪೈಕಿ 4971 ಸೋಂಕಿತರು ಸಾವನ್ನಪ್ಪಿದ್ದಾರೆ. 82370 ಜನರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು ಪ್ರಸ್ತುತ 86422 ಪ್ರಕರಣಗಳು ಸಕ್ರಿಯವಾಗಿದೆ.

  ಇನ್ನು ದೇಶದಲ್ಲೇ ಅತೀ ಹೆಚ್ಚು ಕೊರೊನಾ ಪ್ರಕರಣಗಳು ದಾಖಲಾಗಿರುವ ಮಹಾರಾಷ್ಟ್ರದಲ್ಲಿ ಈವರೆಗೆ 33,133 ಕೊರೊನಾ ಪ್ರಕರಣಗಳು ದಾಖಲಾಗಿದ್ದು 2098 ಜನರು ಕೊರೊನಾ ಸೋಂಕಿನಿಂದಾಗಿ ಸಾವನ್ನಪ್ಪಿದ್ದಾರೆ.

  ಕಳೆದ ಒಂದು ದಿನದಲ್ಲೇ ಮಹಾರಾಷ್ಟ್ರ, ತಮಿಳುನಾಡಿನಲ್ಲಿ ಕೊರೊನಾ ಪ್ರಕರಣದಲ್ಲಿ ಭಾರೀ ಜಿಗಿತ ಕಂಡು ಬಂದಿ‌ದ್ದು ಮಹಾರಾಷ್ಟ್ರದಲ್ಲಿ ಒಂದು ದಿನದಲ್ಲಿ 2,098 ಕೊರೊನಾ ಪ್ರಕರಣಗಳು ದಾಖಲಾಗಿದ್ದು 116 ಜನರು ಕೊರೊನಾದಿಂದಾಗಿ ಮೃತಪಟ್ಟಿದ್ದಾರೆ.