ವಂದೇ ಭಾರತ್‌‌ ಮಿಷನ್‌‌‌ - ಜೂನ್ 10ರಿಂದ 16ರವರೆಗೆ ಸೌದಿಯಿಂದ ಬೆಂಗಳೂರಿಗೆ ಕರೆತರುವ ವಿಮಾನ ಪಟ್ಟಿ ಬಿಡುಗಡೆ

•   Thu, Jun 04 2020 06:04:54 PM



• ರಿಯಾದ್, ಜೂ 04 (DaijiworldNews/PY) : ವಿದೇಶದಿಂದ ಭಾರತೀಯರನ್ನು ಕರೆತರುವ ವಂದೇ ಭಾರತ್‌ ಮಿಷನ್‌‌ನ ಮೂರನೇ ಹಂತವು ಜೂನ್‌‌ 10ರಿಂದ ಪ್ರಾರಂಭವಾಗಲಿದ್ದು, ಜುಲೈ 1ರವರೆಗೂ ವಿಮಾನಗಳು ಭಾರತೀಯ ಪ್ರಯಾಣಿಕರನ್ನು ತಾಯ್ನಾಡಿಗೆ ಕರೆತರಲಿದೆ.

  

  ಸೌದಿ ಅರೇಬಿಯಾದಲ್ಲಿರುವ ಭಾರತೀಯರನ್ನು ಜೂನ್ 10ರಿಂದ 16ರವರೆಗೆ ಬೆಂಗಳೂರು, ಕೋಝಿಕೋಡ್, ಕಣ್ಣೂರು, ತಿರುವನಂತಪುರಕ್ಕೆ ವಿಮಾನಗಳಲ್ಲಿ ಕರೆತರುವ ವಿಮಾನಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

  ಜೂನ್ 12ರಂದು ಸೌದಿ ಅರೇಬಿಯಾದಿಂದ, ದಮ್ಮಾ‌ಮ್‌‌‌ನಿಂದ ಬೆಂಗಳೂರಿಗೆ ಭಾರತೀಯರು ಆಗಮಿಸಲಿದ್ದಾರೆ. ಜೆಡ್ಡಾದಿಂದ ಬೆಂಗಳೂರಿಗೆ ಜೂನ್ 13ರಂದು, ರಿಯಾದ್‌‌ನಿಂದ ಬೆಂಗಳೂರಿಗೆ ಜೂನ್ 15ರಂದು ಪ್ರಯಾಣಿಕರು ಆಗಮಿಸಲಿದ್ದಾರೆ ಎಂದು ರಿಯಾದ್‌‌ನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿ ಟ್ವೀಟ್ ಮೂಲಕ ತಿಳಿಸಿದೆ.

  ಅಲ್ಲದೇ ಜೂನ್ 10ರಿಂದ ರಿಯಾದ್‌‌ನಿಂದ ಕೋಝಿಕೋಡ್, ಕಣ್ಣೂರು, ಕೊಚ್ಚಿ, ತಿರುವನಂತಪುರಕ್ಕೆ ಪ್ರಯಾಣಿಕರು ಆಗಮಿಸಲಿದ್ದಾರೆ.

  ರಿಯಾದ್‌‌ನಿಂದ ಯಾವಾಗ ಯಾವ ವಿಮಾನದಲ್ಲಿ ಹೊರಡಲಿದ್ದಾರೆ ಎಂಬ ಪಟ್ಟಿ ಇಲ್ಲಿದೆ.

  Corrigendum for the Embassy Press Release on flights from Saudi Arabia under Vande Bharat Mission from June 10-16, 2020 pic.twitter.com/PehjLTQRLh

  — India in SaudiArabia (@IndianEmbRiyadh) June 4, 2020