ಮುಂಗುಸಿಗೆ ಹಾರಿಸಿದ ಗುಂಡು ಗುರಿ ತಪ್ಪಿ ತಗುಲಿ ಬಾಲಕನ ಸ್ಥಿತಿ ಗಂಭೀರ

•   Wed, Jun 10 2020 12:04:45 PM



• ಬೆಂಗಳೂರು, ಜೂ.10 (DaijiworldNews/MB) : ಮುಂಗುಸಿಗೆ ವ್ಯಕ್ತಿಯೊಬ್ಬ ಹಾರಿಸಿದ ಗುಂಡು 12 ವರ್ಷದ ಬಾಲಕನಿಗೆ ತಗಲಿರುವ ಘಟನೆ ಸೊನ್ನೇನಹಳ್ಳಿಯಲ್ಲಿ ನಡೆದಿದ್ದು ಬಾಲಕನ ಸ್ಥಿತಿ ಗಂಭೀರವಾಗಿದೆ.

  

  ಭೇಟೆಯಾಡುವ ಹವ್ಯಾಸವಿರುವ ಕುಮಾರ್‌ ಎಂಬಾತನು ನಾಡ ಬಂದೂಕಿನಲ್ಲಿ ಮುಂಗುಸಿಗೆ ಗುರಿಯಿಟ್ಟು ಹಾರಿಸಿದ ಗುಂಡು ಗುರಿ ತಪ್ಪಿ 12 ವರ್ಷದ ಬಾಲಕ ಆಸಿಫ್‌ ಎಂಬ ಬಾಲಕನಿಗೆ ತಗಲಿದ್ದು ಬಾಲಕನನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಆರೋಪಿ ಕುಮಾರ್‌ ಬಂಧಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  ಆರೋಪಿಯ ಬಂಧನಕ್ಕೆ ಪೊಲೀಸರು ಹಲವು ತಂಡಗಳಲ್ಲಿ ಕಾರ್ಯಾಚರಣೆ ನಡೆಸಿದ್ದು ಆತ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.