ಭಾರತವು ತಪ್ಪಾದ ಓಟದ ಪಂದ್ಯವನ್ನು ಗೆಲ್ಲುವ ಹಾದಿಯಲ್ಲಿದೆ - ಕೇಂದ್ರದ ವಿರುದ್ದ ರಾಹುಲ್ ವಾಗ್ದಾಳಿ

•   Sat, Jun 13 2020 09:42:57 AM



• ನವದೆಹಲಿ, ಜೂ 13 (Daijiworld News/MSP): ಕೊರೊನಾ ವೈರಸ್ ಪ್ರಕರಣಗಳು ದೇಶದಲ್ಲಿ ಉಲ್ಭಣಿಸುತ್ತಿರುವ ಕುರಿತು ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಶುಕ್ರವಾರ ಕೇಂದ್ರದ ಮೇಲೆ ಮತ್ತೆ ವಾಗ್ದಾಳಿ ನಡೆಸಿದ್ದಾರೆ.

  

  ಈ ಬಗ್ಗೆ ತಮ್ಮ ಟ್ವಿಟರ್ ನಲ್ಲಿ " ಯುಎಸ್, ಬ್ರೆಜಿಲ್ ಮತ್ತು ರಷ್ಯಾದ ನಂತರ ಅತಿ ಹೆಚ್ಚು ಕೊವೀಡ್ -19 ಪ್ರಕರಣಗಳು ಭಾರತದಲ್ಲಿ ವರದಿಯಾಗಿರುವುದನ್ನು ಉಲ್ಲೇಖಿಸಿ , 'ಭಾರತವು ತಪ್ಪಾದ ಓಟದ ಪಂದ್ಯವನ್ನು ಗೆಲ್ಲುವ ಹಾದಿಯಲ್ಲಿದೆ'. ದುರಹಂಕಾರ ಮತ್ತು ಅಸಮರ್ಥತೆಯ ಮಾರಕ ಮಿಶ್ರಣದಿಂದ ಉಂಟಾದ ಭಯಾನಕ ದುರಂತವಿದು" ಎಂದು ಬರೆದುಕೊಂಡಿದ್ದಾರೆ.

  ಪ್ರಸ್ತುತ, ಕೊರೊನಾ ವೈರಸ್ ಪ್ರಕರಣಗಳ ಸಂಖ್ಯೆಯಲ್ಲಿ ವಿಶ್ವದಲ್ಲೇ ಭಾರತವು ನಾಲ್ಕನೇ ಸ್ಥಾನದಲ್ಲಿದೆ.

  ಈ ನಡುವೆ ಏಕಾಏಕಿ ಮೊದಲ ಬಾರಿಗೆ ಭಾರತವು 24 ಗಂಟೆಗಳಲ್ಲಿ 10,000 ಕ್ಕೂ ಹೆಚ್ಚು ಹೊಸ ಪ್ರಕರಣಗಳನ್ನು ದಾಖಲಿಸಿದೆ . ಅಲ್ಲದೆ ಸಾವಿನ ಸಂಖ್ಯೆ 8,498 ಕ್ಕೆ ಏರಿಕೆಯಾಗಿದೆ.