ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಮನೆಯ ಮುಂದೆ ಕ್ವಾರಂಟೈನ್ ನೋಟಿಸ್

•   Sat, Jun 13 2020 02:20:46 PM



• ನವದೆಹಲಿ, ಜೂ 13 (Daijiworld News/MSP): ಮಾಜಿ ಪ್ರಧಾನ ಮಂತ್ರಿ ಮನಮೋಹನ್ ಸಿಂಗ್ ಮನೆಯ ಮುಂದೆ ಕ್ವಾರಂಟೀನ್ ನೋಟಿಸ್ ಹಾಕಲಾಗಿದ್ದು ಸದ್ಯ ಭಾರೀ ಚರ್ಚೆಗೂ ಕಾರಣವಾಗಿದೆ. ದೆಹಲಿಯ ಮೋತಿಲಾಲ್ ನೆಹರು ರಸ್ತೆಯಲ್ಲಿ ಮನ ಮೋಹನ್ ಸಿಂಗ್ ರ ನಿವಾಸದ ಮುಂದೆ ಕ್ವಾರಂಟೈನ್ ನೊಟೀಸ್ ಅಳವಡಿಸಲಾಗಿದೆ. 

  

  ಮನಮೋಹನ್ ಸಿಂಗ್ ರ ನಿವಾಸದಲ್ಲಿ ಕೆಲಸ ಮಾಡುತ್ತಿದ್ದ ಕೆಲಸದ ಸಹಾಯಕನೊಬ್ಬನ ಮಗಳಿಗೆ ಕೊವೀಡ್ -19 ದೃಢಪಟ್ಟ ಹಿನ್ನಲೆಯಲ್ಲಿ ಕ್ವಾರಂಟೈನ್ ನೊಟೀಸ್ ಅಳವಡಿಸಲಾಗಿದೆ. ಮನಮೋಹನ್ ಸಿಂಗ್ ಕೂಡಾ ಮುಂಜಾಗ್ರತಾ ಕ್ರಮವಾಗಿ ಸ್ವಯಂ ಐಸಲೋಷನ್ ಗೆ ಒಳಗಾಗಿದ್ದಾರೆ ಎನ್ನಲಾಗಿದೆ.

  ಅನಾರೋಗ್ಯದಿಂದ ಇತ್ತೀಚೆಗೆ ತಾನೇ ಚೇತರಿಸಿಕೊಂಡಿರುವ ಮನಮೋಹನ್ ಸಿಂಗ್ ಇತ್ತೀಚೆಗೆ ಮತ್ತೆ ಪಕ್ಷದ ಚಟುವಟಿಕೆಗಳಲ್ಲಿ ಸಕ್ರಿಯರಾಗುತ್ತಿದ್ದಾರೆ. ಮಾಜಿ ಪ್ರಧಾನಿ ಗುರುವಾರ ಪಕ್ಷದ ಸಮಾಲೋಚನಾ ಸಮಿತಿಯ ಸಭೆಯಲ್ಲಿ ವಿಡಿಯೋ ಕಾನ್ಫರೆನ್ಸ್ ಮೂಲಕ ಭಾಗವಹಿಸಿದ್ದರು ಎಂದು ಕಾಂಗ್ರೆಸ್ ಮುಖಂಡರು ತಿಳಿಸಿದ್ದಾರೆ.