ನಟಿ ರಮ್ಯಾ ಕೃಷ್ಣ ಕಾರಿನಲ್ಲಿದ್ದ 8 ಲಿಕ್ಕರ್​ ಬಾಟಲಿ, ಎರಡು ಬಿಯರ್ ಕ್ರೇಟ್ ವಶಪಡಿಸಿಕೊಂಡ ಪೊಲೀಸರು

•   Sun, Jun 14 2020 08:17:54 AM



• ಚೆನ್ನೈ, ಜೂ.14 (DaijiworldNews/MB) : ದಕ್ಷಿಣ ಭಾರತದ ಪ್ರಸಿದ್ಧ ನಟಿ ರಮ್ಯಾ ಕೃಷ್ಣ ಅವರ ಕಾರಿನಿಂದ ಪೊಲೀಸರು 8 ಲಿಕ್ಕರ್ ಬಾಟಲಿ ಮತ್ತು ಎರಡು ಬಿಯರ್ ಕ್ರೇಟ್ ಬಾಕ್ಸ್ ಗಳನ್ನು ತಮಿಳುನಾಡು ಪೊಲೀಸರು ಶನಿವಾರ ವಶಪಡಿಸಿಕೊಂಡಿದ್ದಾರೆ. 

  

  ಕೊರೊನಾ ಲಾಕ್‌ಡೌನ್‌ ಕಾರಣದಿಂದಾಗಿ ತಮಿಳುನಾಡಿನಲ್ಲಿ ಮದ್ಯ ಮಾರಾಟ ನಿಷೇಧಿಸಲಾಗಿದ್ದು ಇನ್ನೂ ಕೂಡಾ ಮದ್ಯದಂಗಡಿಗಳನ್ನು ತೆರೆದಿಲ್ಲ ಹಾಗೂ ಮದ್ಯ ಸಾಗಾಟ ಕಾನೂನುಬಾಹಿರವಾಗಿದೆ. 

  ಇಸಿಆರ್ ರಸ್ತೆಯ ಚೆಕ್​ಪೋಸ್ಟ್​ನಲ್ಲಿ ಪೊಲೀಸರು ತಪಾಸಣೆ ಮಾಡುತ್ತಿದ್ದರು. ಈ ವೇಳೆ ಮಹಾಬಲಿಪುರಂನಿಂದ ಬರುತ್ತಿದ್ದ ರಮ್ಯಾ ಕೃಷ್ಣ ಅವರಿಗೆ ಸೇರಿದ ಇನೋವಾ ಕಾರನ್ನು ಸಹ ಪೊಲೀಸರು ಪರಿಶೀಲಿಸಿದ್ದು ಈ ಸಂದರ್ಭದಲ್ಲಿ ಮದ್ಯದ ಬಾಟಲ್‌ಗಳು ಪತ್ತೆಯಾಗಿದೆ. 

  ಘಟನೆಗೆ ಸಂಬಂಧಿಸಿ ಕಾರು ಚಾಲಕ ಸೆಲ್ವಕುಮಾರ್‌ನನ್ನು ಬಂಧಿಸಲಾಗಿದ್ದು ಚಾಲಕನನ್ನು ರಮ್ಯಾಕೃಷ್ಣ ಅವರು ಜಾಮೀನಿನ ಮೇಲೆ ಬಿಡುಗಡೆ ಮಾಡಿಸಿದ್ದಾರೆ.