ಸತತ 9ನೇ ದಿನವೂ ಏರಿಕೆಯಾದ ಪೆಟ್ರೋಲ್‌‌, ಡೀಸೆಲ್‌‌ ದರ

•   Mon, Jun 15 2020 10:15:30 AM



• ನವದೆಹಲಿ, ಜೂ 15 (DaijiworldNews/PY) : ಸೋಮವಾರವೂ ಪೆಟ್ರೋಲ್‌, ಡೀಸೆಲ್‌‌ ದರ ಏರಿಕೆಯಾಗಿದ್ದು, ಸತತ ಒಂಭತ್ತನೇ ದಿನ ಇಂಧನ ಏರಿಕೆಯಾಗಿದೆ.

  

  ದೇಶಾದ್ಯಂತ ಇಂಧನ ಬೆಲೆ ಏರಿಕೆಯಾಗಿದ್ದು, ವಿವಿಧ ರಾಜ್ಯಗಳಲ್ಲಿ ಸ್ಥಳೀಯ ಮಾರಾಟ ತೆರಿಗೆ ಅಥವಾ ವ್ಯಾಟ್‌‌ಗೆ ಅನುಗುಣವಾಗಿ ಇಂಧನದ ದರದಲ್ಲಿ ವ್ಯತ್ಯಯವಾಗಲಿದೆ.

  ಭಾನುವಾರ ದೆಹಲಿಯಲ್ಲಿ ಪೆಟ್ರೋಲ್‌ ದರ 0.62 ಪೈಸೆ ಹಾಗೂ ಡೀಸೆಲ್‌‌ ದರ 0.64 ಪೈಸೆ ಏರಿಕೆ ಕಂಡಿದ್ದು, ಸೋಮವಾರ ಪೆಟ್ರೋಲ್ ದರ 0.48ಪೈಸೆ ಏರಿಕೆ ಆಗಿದ್ದು, ಲೀಟರ್ ಪೆಟ್ರೋಲ್ ಬೆಲೆ 76.26 ಆಗಿದೆ. ಅದೇ ವೇಳೆ 0.59 ಪೈಸೆ ಏರಿಕೆ ಆಗಿ ಡೀಸೆಲ್/ಲೀಟರ್ ದರ 74.62 ಆಗಿದೆ.

  ಇನ್ನು ಬೆಂಗಳೂರಿನಲ್ಲಿ ಲೀಟರ್‌ ಪೆಟ್ರೋಲ್‌ಗೆ 0.50 ಪೈಸೆ ಹಾಗೂ ಡೀಸೆಲ್‌‌ಗೆ 0.56 ಪೈಸೆ ಏರಿಕೆಯಾಗಿದೆ.